Qazaqstannyŋ halyq ärtısı Dimaş Qūdaibergen S.J.Asfendiiarov atyndaǧy Qazaq ūlttyq medisina universitetınıŋ "qūrmettı professory" atandy. Būl turaly JOO-nyŋ baspasöz qyzmetı jazdy, dep habarlaidy «Adyrna» tılşısı.
17 jeltoqsanda öner iesı universitet studentterı men professor-oqytuşylar qūramymen kezdesken. Kezdesu aiasynda QazŪMU rektory Marat Şoranov Dimaş Qūdaibergenge mädeniettı damytuǧa, jastardyŋ ruhani tärbiesıne qosqan ülesı jäne Qazaqstannyŋ halyqaralyq imidjın ılgerıletudegı eŋbegı üşın QazŪMU-dyŋ qūrmettı professory ataǧyn tabystaǧan.
Motivasiialyq kezdesude Dimaş Qūdaibergen özınıŋ ömırlık jäne şyǧarmaşylyq joly turaly oi bölısken.
«Men adamdy eŋ aldymen ruhani bailyǧymen baǧalaimyn. Talant pen käsıbi qabılet odan keiıngı närse. Eger ışkı negız bolmasa, qandai jetıstıkke jetseŋ de, onyŋ salmaǧy sezılmeidı. Sızder öte qiyn ärı jauapty joldy taŋdadyŋyzdar. Medisina – qatelıktı keşırmeitın sala. Būl üzdıksız ızdenıstı, öz-özıŋe talap qoia bıludı qajet etedı. Menıŋşe, naǧyz jūldyzdar - därıgerler. Olar kün saiyn adam ömırın saqtap qalady», – dedı änşı.
