Äleumettık jelılerde Qazaqstan Respublikasynyŋ Memlekettık tuyn avtokölıkterge ıluge qatysty pıkırtalas küşeie tüstı. Osyǧan bailanysty ışkı ıster ministrlıgı resmi tüsınıkteme jariialady, dep habarlaidy "Adyrna" ūlttyq portaly.
IIM mälımetınşe, elımız boiynşa polisiia qyzmetkerlerı jol qozǧalysy erejelerın öreskel būzudyŋ 82 deregın anyqtaǧan. Atalǧan azamattar Memlekettık tudy paidalana otyryp, jol erejelerın qasaqana būzyp, kölık qozǧalysyna kedergı keltırgen, sondai-aq özderınıŋ jäne özge de jol qozǧalysyna qatysuşylardyŋ qauıpsızdıgıne qater töndırgen.
Ministrlık mūndai jaǧdaida polisiia zaŋǧa säikes äreket etuge mındettı ekenın atap öttı. Sonymen qatar keibır azamattar jauapkerşılıkke Memlekettık tudy paidalanǧany üşın tartyldy degen pıkır bıldırıp jürgenın habarlady.
"Būl aqparat şyndyqqa säikes kelmeidı. Azamattar Memlekettık tudy paidalanǧany üşın emes, naqty jol qozǧalysy erejelerın būzǧany üşın jauapkerşılıkke tartyldy. Jalǧan aqparat taratqany üşın de zaŋda jauapkerşılık közdelgen", — delıngen IIM habarlamasynda.
Sonymen bırge jürgızılgen tekseru nätijesınde Almaty jäne Şymkent qalalarynda jekelegen polisiia qyzmetkerlerınıŋ zaŋsyz, qūqyqqa qaişy äreketterge barǧany anyqtalǧan. Būl faktıler boiynşa naqty şaralar qabyldanǧan.
Atap aitqanda, 8 polisiia qyzmetkerı, onyŋ ışınde basşylyq qūram ökılderı tärtıptık jauapkerşılıkke tartylyp (sögıs, qataŋ sögıs), taǧy 4 qyzmetker atqaryp otyrǧan lauazymynan bosatylǧan.
IIM zaŋdylyq pen zaŋ aldynda bärınıŋ teŋdıgı qaǧidatyn qataŋ ūstanatynyn mälımdedı.
"Qazaqstan Respublikasynyŋ Memlekettık tuy — Täuelsızdık pen egemendıktıŋ qasiettı nyşany. Işkı ıster ministrlıgı azamattardy memlekettık rämızderge qūrmetpen qarap, jol qozǧalysy erejelerın qataŋ saqtauǧa şaqyrady", — delıngen habarlamada.
Aita keteiık, būǧan deiın mädeniet ministrlıgı avtokölıkterge Memlekettık tudy ılu mäselesıne qatysty tüsınıkteme bergen edı.
