Ukraina prezidentı Vladimir Zelenskii AQŞ-ta ötken kelıssözder barysynda amerikalyq tarapqa ūsynylǧan 20 tarmaqtan tūratyn jospardy jariialady. Qūjattyŋ negızgı erejelerın RBK-Ukraina agenttıgı Zelenskiidıŋ jurnalistermen kezdesuınen keiın taratty, dep habarlaidy «Adyrna» tılşısı.
Jospardyŋ bır tarmaǧyna säikes, Ukraina Donbass aumaǧynan äskerın şyǧarudan bas tartady.
Josparda Ukrainanyŋ egemendıgın rastau, Resei men Ukraina arasynda şabuyl jasamau turaly kelısım (bailanys şebınde monitoring jürgızıluı mümkın, naqty tetıkter körsetılmegen), sondai-aq qauıpsızdık kepıldıkterı qarastyrylǧan. Beibıt kezeŋde Ukraina Qaruly küşterınıŋ sany 800 myŋ adam deŋgeiınde bekıtıluı ūsynylady. Qauıpsızdık kepıldıkterın NATOjarǧysynyŋ 5-babyna ūqsas formatta AQŞ, NATO jäne Europa elderı beruı tiıs delıngen.
Altynşy tarmaq Reseidıŋ Ukraina men Europaǧa qarsy şabuyl jasamau mındettemelerın bekıtudı közdeidı. Jetınşı tarmaqta Ukrainanyŋ Euroodaqqa «tiıstı uaqytta» kıruı körsetılgen (merzım älı naqtylanbaǧan). Segızınşı tarmaq Kievke «jahandyq kömek paketın» berudı, toǧyzynşysy qalpyna keltıru maqsattaryna arnalǧan 800 mlrd dollarlyq qor qūrudy qarastyrady. Onynşy tarmaqta Ukraina AQŞ-pen erkın sauda turaly kelısımdı jedeldetuge mındetteme alady.
11-tarmaq Ukrainanyŋ iadrolyq qarusyz memleket märtebesın bekıtedı. 12-tarmaq Zaporoje AES-ıne qatysty, alaida būl mäsele boiynşa taraptar ortaq kelısımge kele almaǧany aitylǧan. AQŞ stansiiany AQŞ–Resei–Ukraina bırlesken basqaruyna berudı, jetekşı röldı Vaşingtonǧa jükteudı ūsynady. 13-tarmaq mektepterde türlı mädenietterge tözımdılıktı arttyratyn bılım beru baǧdarlamalaryn engızudı qamtidy. 14-tarmaq aumaqtyq mäselelerge arnalǧan, mūnda da AQŞ pen Ukraina arasynda ortaq ūstanym joq, Kiev Donbastan äskerdı şyǧarmaitynyn taǧy da mälımdegen.
Qorytyndy bölımde taraptardyŋ kelısımderdı küşpen özgertpeu mındettemelerı, Dnepr özenımen keme qatynasynyŋ erkındıgı, tūtqyndardy formula boiynşa almastyru qarastyrylǧan. Ukraina kelısımge qol qoiylǧannan keiın mümkındıgınşe tezırek sailau ötkızuge uäde beredı.
Qūjat zaŋdy küşke ie bolady, onyŋ oryndaluyn Beibıtşılık keŋesı baqylaidy, keŋeske AQŞ prezidentı Donald Tramp töraǧalyq etedı. Barlyq tarap kelısımge kelısımen atysty toqtatu rejimı dereu küşıne enedı.
Būǧan deiın Resei prezidentı äkımşılıgı men Syrtqy ıster ministrlıgınıŋ ökılderı Kiev josparynyŋ bırqatar tarmaqtary Mäskeudı qanaǧattandyrmaitynyn bırneşe ret aitqan. Atap aitqanda, Resei Ukrainanyŋ Donbass aumaǧynan äskerın tolyq şyǧaruyn, Kievtıŋ NATO-ǧa müşelıkten bas tartuyn jäne ukrain armiiasynyŋ sanyn şekteudı talap etıp otyr.
