Qazaqstan Prezidentı Bauyrjan Momyşūlyna «Halyq qaharmany» ataǧyn beru turaly şeşım qabyldady, dep habarlaidy "Adyrna" ūlttyq portaly.
Tiıstı Jarlyqqa Memleket basşysy qol qoidy. Būl turaly Prezidenttıŋ baspasöz hatşysy Ruslan Jeldıbai äleumettık jelıdegı paraqşasynda habarlady.
Memleket basşysynyŋ aituynşa, keşe daŋqty qolbasşy, Ūly Otan soǧysynyŋ batyry Bauyrjan Momyşūlynyŋ tuǧanyna 115 jyl tolǧan. Onyŋ erlık joly tek Qazaqstanda ǧana emes, şetelderde de keŋınen tanymal.
Prezident batyrdyŋ halyq arasynda qaharman retınde qūrmettelgenımen, osy uaqytqa deiın resmi türde «Halyq qaharmany» ataǧy berılmegenın atap öttı. Būl mäselenı oblys tūrǧyndary, ziialy qauym ökılderı men jastar bırneşe ret kötergen.
«Tarihi ädıldıktı qalpyna keltıruımız kerek. Sondyqtan Memleket basşysy retınde Bauyrjan Momyşūlyna “Halyq qaharmany” ataǧyn beru turaly şeşım qabyldadym», – delıngen jazbada.
Sondai-aq Prezident Bauyrjan Momyşūlynyŋ erlıgı aŋyz emes, naqty tarihi qūjattarmen däleldengenın, ony Ūly Otan soǧysyna qatysqan batyrlardyŋ özderı moiyndaǧanyn atap öttı.
Memleket basşysynyŋ pıkırınşe, Baukeŋnıŋ esımı otanşyldyq pen öşpes erlıktıŋ simvoly retınde ärdaiym elge ülgı boluǧa tiıs.
