İranda 2025 jyly 1922 adam ölım jazasyna tartyldy, dep habarlaidy "Adyrna" ūlttyq portaly.
Būl turaly Human Rights Activists News Agency ūiymy habarlady.
Ölım jazasyna tartylǧandardyŋ 1681-y er adam, 59-y äiel jäne 2 kämeletke tolmaǧan adam bar. Būl körsetkış 2024 jylmen salystyrǧanda ekı esege juyq ösıp, soŋǧy 11 jyldyŋ eŋ joǧary deŋgeiıne jetken.
Ūiym esebıne säikes, köpşılıgı ölım jazalary jasyryn nemese resmi jariialanbai oryndalǧan. Alaida, 10 ölım jazasy aşyq türde ötkızılgen. Sondai-aq, 168 ıs boiynşa şyǧarylǧan ölım jazalarynyŋ beseuı jariia türde oryndaluy tiıs bolǧan. Jalpy, 2025 jyly şyǧarylǧan ölım jazalarynyŋ sany ötken jylmen salystyrǧanda 21,4% tömendegen.
Elde ölım jazasyn adam öltıru (47,55%) jäne esırtkımen zaŋsyz ainalysu (46,10%) aiyptary boiynşa qoldanǧan. Sonymen qatar, ölım jazasy seksualdyq sipattaǧy qylmystar (1,66%), memlekettık jäne dıni qūrylymǧa qarsy qylmystar (1,35%), qauıpsızdıkke qatysty qylmystar, sonyŋ ışınde tyŋşylyq, terrorizm jäne teraktıler (0,73%), «Qūdaiǧa qarsy äreketter» (0,68%), ekonomikalyq qylmystar (0,50%), qaruly tonau (0,50%) jäne «jerde jemqorlyqty taratu» (0,16%) boiynşa da qoldanylǧan.
