Jaŋa Konstitusiia jobasy jariialanǧan künı Mäjılıste «AMANAT» partiiasy fraksiiasynyŋ qūjatty talqylauǧa arnalǧan jiyny öttı.
Deputattar memlekettıŋ ornyqty damuy men qoǧamdy bırıktırudegı jaŋa Konstitusiianyŋ tarihi maŋyzyn atap öttı. Fraksiia Negızgı zaŋ jobasyna tolyq qoldau bıldırıp, ony tüsındıruge jäne qoǧamdyq talqylauǧa belsendı qatysuǧa daiyn ekenın mälımdedı.
Jiyndy aşqan Mäjılıs Spikerı, «AMANAT» partiiasynyŋ Töraǧasy Erlan Qoşanov jaŋa Konstitusiianyŋ mätını qoǧammen bırlesıp äzırlengenın, al qūjat Memleket basşysynyŋ «Ädılettı Qazaqstan» qūru jolyndaǧy auqymdy reformalarynyŋ zaŋdy jalǧasy ekenın atap öttı.
«Jaŋa Konstitusiia halyqpen aşyq dialog barysynda qalyptasyp, jūrtşylyqtyŋ şynaiy müddesın körsetedı. Sondyqtan ony «Halyq Konstitusiiasy» dep atauǧa tolyq negız bar. Ol elımızdıŋ ornyqty damuynyŋ berık negızı bolyp, ūltymyzdy bırıktıretın faktorǧa ainaluy tiıs. Är babyn, är normasyn halyqqa keŋınen tüsındıruımız qajet. «AMANAT» partiiasy osy jūmystyŋ bel ortasynda boluǧa tiıs. Būl bızdıŋ tarihi missiiamyz», – dedı Erlan Qoşanov.
Partiia Töraǧasy Konstitusiia jobasyna bilık pen qoǧamnyŋ – Ūlttyq qauıpsızdık keŋesı, Ūlttyq qūryltai, Qazaqstan halqy Assambleiasy otyrystarynda ötken jan-jaqty talqylaulardyŋ nätijelerı engenın, qūjatta qazaqstandyqtardyŋ arman-tılekterı men ūmtylystary körınıs tapqanyn atap öttı. Jobanyŋ kırıspesınde qazırgı uaqytta halyqqa jaqyn qūndylyqtar – Zaŋ men tärtıp, Adal azamat, Taza Qazaqstan – beinelengen. Būl qūndylyqtar Konstitusiianyŋ barlyq normasyna boilai ötıp, memlekettıŋ damuyna negız bolady.
Erlan Qoşanov memlekettıŋ bolaşaq zaŋ şyǧaruşy organy – Qūryltaiǧa toqtaldy. Jaŋa bır palataly Parlament aitarlyqtai küşeitılgen ökılettıkterge ie bolyp, bilık tarmaqtary arasyndaǧy teŋgerımdı qaita qalyptastyrady. Qūryltaidy partiialyq tızım arqyly qalyptastyru qoǧamdaǧy barlyq äleumettık toptardyŋ müddesın keŋ ärı jauapty türde bıldıruge mümkındık beredı.
Jaŋartylǧan Qūryltai Memleket basşysynyŋ «Küştı Prezident – yqpaldy Parlament – esep beretın Ükımet» formulasyn bekıtedı. Sonymen qatar Memleket basşysynyŋ «Halyq Keŋesı» qūru jönındegı bastamasy Konstitusiia jobasynda körınıs tapty. Būl institut etnostardyŋ, konfessiialardyŋ, öŋırlerdıŋ müddesın eskere otyryp, memlekettık şeşımder qabyldauǧa mümkındık beredı.
Jaŋa Konstitusiia alǧaş ret adami kapitaldy damytuǧa baǧyttalǧan. Iаǧni, memlekettıŋ barlyq resursy azamattardyŋ äleuetın aşuǧa jäne qoldauǧa jūmsalady. Ädılet ministrı Erlan Särsembaev Konstitusiia jobasy adamǧa baǧdarlanǧan memleket modelın bekıtetının, qoǧamdy bırıktıru maqsatyndaǧy «Bırtūtas Qazaqstan halqy» ūǧymyn engızetının atap öttı. Sondai-aq derbes derekterdı qorǧau men adam qūqyǧyn qamtamasyz etu normalary naqty körsetılgen.
Jiynda deputattar jaŋa Konstitusiiadaǧy negızgı jaŋalyqtardy talqylady. Baqytjan Bazarbek proporsionaldy sailau jüiesınıŋ saiasatkerlerdıŋ sailauşylar aldyndaǧy jauapkerşılıgın arttyratynyn aitty. Qairat Balabiev «Zaŋ men tärtıp» qaǧidaty tärbieden bastaluy keregın jetkızdı. Snejanna İmaşeva adam jäne onyŋ qūqyǧy memleket basymdyǧy retınde Konstitusiia deŋgeiınde bekıtıletının atap öttı. Iýliia Kuchinskaia jaŋa Konstitusiia azamattardyŋ belsendı qatysuyna, jauapkerşılıkke jäne naqty yqpal etuge negızdeletının aitty.
Nūrtai Sabilianov bır palataly Parlament aşyq jauapkerşılık pen qoǧamnyŋ bilıkke senımın arttyratynyn, Nartai Särsenǧaliev bılım, ǧylym jäne innovasiialardy adami kapital retınde moiyndaitynyn, Nikita Şatalov Parlament kelısımımen taǧaiyndalatyn vise-prezident instituty bilık tūraqtylyǧyn qamtamasyz etetının atap öttı.
Fraksiianyŋ barlyq deputaty jaŋa Konstitusiia jobasynyŋ maŋyzyn joǧary baǧalap, oǧan qoldau bıldırdı.
