Baiqoŋyr ǧaryş ailaǧy alaŋynda «Bäiterek» bırlesken jobasy aiasynda «Soiuz-5» («Sūŋqar») zymyran-tasyǧyşynyŋ tehnologiialyq maketı alǧaş ret ūşyru keşenıne şyǧarylyp, keşendı synaqtardan öttı. Būl synaqtar jaŋa zymyrandy ūşyruǧa daiyndyqtyŋ maŋyzdy kezeŋderınıŋ bırı sanalady.
Mamandardyŋ mälımetınşe, maket 42-alaŋdaǧy-synaq korpusynan 45-alaŋdaǧmontajdauy ūşyru qūrylǧysyna jetkızılıp, tık küide ornatylǧan. «Qūrǧaq» dep atalatyn būl synaq barysynda zymyranǧa otyn qūiylmaidy, onyŋ ornyna tasymaldau-ornatu agregaty, ūşyru keşenınıŋ jabdyqtary jäne zymyran jüielerınıŋ özara üilesımdılıgı tekserıledı.
Tekseru nätijesınde barlyq jüielerdıŋ dūrys jūmys ısteitını rastalyp, jabdyqtardyŋ säikestıgı sättı ötken. Osydan keiın maket qaitadan montajdau-synaq korpusyna qaitarylyp, soŋǧy daiyndyq kezeŋıne jıberıldı.
Aldyn ala jospar boiynşa, «Sūŋqar» zymyran-tasyǧyşyn ūşyru keşenıne şyǧaru 24 nauryzǧa belgılengen. Al zymyrannyŋ maketı paidaly jüktememen ötetın alǧaşqy ūşu synaǧy 27 nauryz künı Astana uaqytymen saǧat 16:00-de jüzege asyrylmaq.
«Bäiterek» jobasy — Qazaqstan men Reseidıŋ bırlesken bastamasy. Ol ekologiialyq taza otyn paidalanatyn jaŋa buyn zymyrandaryn ūşyruǧa arnalǧan infraqūrylym qūrudy közdeidı. Joba 2004 jyly bastalyp, 2005 jyly sol kezdegı Qazaqstan jäne Resei prezidentterı Nūrsūltan Nazarbaev pen Vladimir Putinnıŋ qatysuymen resmi türde ıske qosylǧan.
Aita ketu kerek, «Soiuz-5» («Sūŋqar») — orta klasty, ekı satyly zymyran. Ol ekologiialyq qauıpsız otyn — naftil men sūiyq ottegın paidalanady. Joba sättı jüzege asqan jaǧdaida, Qazaqstannyŋ ǧaryş salasyndaǧy äleuetın arttyryp, halyqaralyq ūşyru naryǧyndaǧy ornyn küşeituge mümkındık beredı.
