Kentau qalasynda «Taza Qazaqstan» baǧdarlamasy aiasynda köpqabatty tūrǧyn üilerdıŋ aulalarynda tazalyq şarasy ötkızıldı.
Şahar tūrǧyndarynyŋ, onyŋ ışınde ata-analar men balalardyŋ qatysuymen ötken joba «Qaldyqsyz älem» halyqaralyq künıne orai qorşaǧan ortany qorǧau maqsatynda «Bır paket qoqys — bır balmūzdaq» degen ataumen ūiymdastyrylǧan.
Is-şara barysynda balalar qoqys jinauǧa belsendı qatysyp, qorşaǧan ortanyŋ tazalyǧyn saqtauǧa öz ülesterın qosty. Ärbır jinalǧan qoqys paketı üşın balalarǧa yntalandyru retınde balmūzdaq taratyldy. İgı bastamaǧa jalpy 500-ge juyq azamat belsene qatysqan. Atalǧan bastama ekologiialyq mädeniettı qalyptastyruǧa, tabiǧatqa ūqypty qarauǧa jäne öskeleŋ ūrpaqty tazalyq pen tärtıp mäselelerıne tartuǧa baǧyttalǧan.
