Ūlttyq statistika biurosy 2026 jylǧy 1 mausymdaǧy jaǧdai boiynşa el halqynyŋ sany turaly mälımettı jaŋartty, dep habarlaidy «Adyrna» tılşısı.
Biuro mälımetınşe, 1 mausymda Qazaqstan halqynyŋ sany 20 575 979 adamdy qūraǧan. Bır ai būryn elde 20 562 993 adam tūrǧany aitylǧan bolatyn. Osylaişa bır aidaǧy halyq ösımı 12 986 adamǧa jetıp otyr.
Sondai-aq Qazaqstanda äielder sany (10 517 159) erler sanynan (10 058 820) älı de köp ekenı belgılı boldy.
Qalalar arasynda halyq sany boiynşa Almaty köş bastap tūr. Qazırgı taŋda megapoliste 2 366 525 adam tūrady. Odan keiın Türkıstan oblysy ornalasqan. Öŋır halqynyŋ sany 2 146 670 adamǧa jetken. Al alǧaşqy üştıktı Astana tüiındeidı. Elordada 1 674 699 adam tūrady.
Qazaqstandaǧy halyq sany eŋ az öŋır – Ūlytau oblysy. Mūnda 218 169 adam ömır süredı.
Statistikaǧa säikes, qalalyq jerlerde 13 168 438 adam, al auyldyq jerlerde 7 407 541 adam tūrady.
