1996 jylǧy «Saiasi partiialar turaly» zaŋ Qazaqstandaǧy köppartiialyq jüienıŋ damuyna negız qalady, dep habarlaidy "Adyrna" ūlttyq portaly.
1996 jyldyŋ 2 şıldesınde «Qazaqstan Respublikasyndaǧy saiasi partiialar turaly» №16-I Zaŋ qabyldanyp, eldegı saiasi partiialardyŋ qūryluy men qyzmetın retteitın negızgı qūqyqtyq tetıkter aiqyndaldy. Qabyldanǧan zaŋnyŋ basty maqsaty – bır partiianyŋ saiasi monopoliiasynyŋ qalyptasuyna jol bermeu jäne köppartiialyq qaǧidatyn damytu boldy. Qūjatqa säikes, saiasi partiialar aumaqtyq qaǧidat boiynşa qūryluǧa tiıs boldy. Sonymen qatar memlekettık organdarda saiasi partiialar qūruǧa, sondai-aq äskerilendırılgen saiasi partiialardy ūiymdastyruǧa jäne olardyŋ qyzmetıne tyiym salyndy.
Zaŋ saiasi partiia ūǧymyn naqtylap, ony Qazaqstan Respublikasy azamattarynyŋ memlekettık bilıktı jüzege asyru ısıne öz ökılderı arqyly qatysuyna mümkındık beretın erıktı bırlestık retınde aiqyndady.
Qūjatqa säikes, Qazaqstan azamattarynyŋ saiasi partiialarǧa erkın bırıgu qūqyǧy bekıtıldı. Är azamattyŋ tek bır ǧana saiasi partiiaǧa müşe boluyna rūqsat etılıp, partiiaǧa müşelık azamattardyŋ qūqyqtary men bostandyqtaryn şekteuge negız bola almaityny belgılendı. Sondai-aq azamattardyŋ qandai partiiaǧa müşe ekenın körsetuge nemese körsetpeuge qūqyǧy zaŋmen qorǧaldy.
Zaŋda memleket pen saiasi partiialardyŋ özara qarym-qatynasynyŋ negızgı qaǧidattary da aiqyndaldy. Atap aitqanda, memlekettıŋ saiasi partiialardyŋ qyzmetıne zaŋsyz aralasuyna jäne partiialardyŋ memlekettık organdardyŋ qyzmetıne yqpal etuıne jol berılmeitını körsetıldı. Sonymen bırge saiasi partiialardy memlekettık biudjetten qarjylandyruǧa tyiym salyndy.
Qūjatta Parlament deputattary men Ükımet müşelerınıŋ saiasi partiialarda aqy tölenetın qyzmet atqaruyna şekteu qoiylyp, memlekettık qyzmetşılerdıŋ qyzmettık mındetterın oryndau kezınde saiasi partiialardyŋ şeşımderıne täueldı bolmauy kerektıgı belgılendı. 1996 jylǧy zaŋnyŋ qabyldanuy eldegı partiiaışılık qūrylymdy jetıldıruge, öŋırlık partiialyq jelılerdı damytuǧa jäne saiasi ūiymdardyŋ baǧdarlamalyq bazasyn nyǧaituǧa yqpal ettı. Osy kezeŋde qoǧamdyq bırlestıkter men saiasi qozǧalystardyŋ belsendılıgı artyp, Qazaqstandaǧy köppartiialyq jüienıŋ qalyptasu üderısı jaŋa deŋgeige köterıldı.
Keiın būl zaŋnyŋ küşı 2002 jylǧy 15 şıldede qabyldanǧan №344-II «Saiasi partiialar turaly» jaŋa zaŋnyŋ qabyldanuyna bailanysty joiyldy.
