Qazaqstan Respublikasy Qarjy ministrlıgınde ortalyq apparattyŋ, komitetterdıŋ jäne vedomstvoǧa qarasty ūiymdardyŋ qyzmetkerlerı qatysqan veloşeru jäne timbilding ıs-şarasy öttı.
Is-şara Qazaqstan Respublikasynyŋ jaŋa Konstitusiiasy küşıne enuı qarsaŋynda ūiymdastyrylyp, onyŋ negızgı qūndylyqtaryn – zaŋ üstemdıgın, memlekettıŋ jauapkerşılıgın, azamattar men biznestıŋ qūqyqtaryn qorǧaudy, qoǧamnyŋ bırlıgı men el müddesıne qyzmet etu qaǧidattaryn nasihattauǧa arnaldy.
Jaŋa Konstitusiia memlekettık instituttardyŋ qyzmetıne qoiylatyn talaptardyŋ jaŋa deŋgeiın aiqyndaidy. Būl Qarjy ministrlıgı jüiesı üşın erekşe maŋyzdy, öitkenı qarjy, salyq, keden, qazynaşylyq jäne baqylau organdary jūmysynyŋ sapasyna azamattardyŋ senımı, biznestıŋ tūraqtylyǧy, biudjettık üderısterdıŋ aşyqtyǧy jäne eldıŋ investisiialyq tartymdylyǧy tıkelei bailanysty.
Konstitusiianyŋ maŋyzdy baǧdarlarynyŋ bırı – azamattardyŋ, käsıpkerler men investorlardyŋ qūqyqtaryn qorǧau kepıldıkterın küşeitu. Būl memlekettık organdar men olardyŋ lauazymdy tūlǧalarynyŋ zaŋsyz şeşımderı, äreketterı nemese äreketsızdıgı üşın jauapkerşılıgın qamtidy. Mūndai täsıl qūqyqtyq ortanyŋ boljamdylyǧyn arttyryp, memlekettık şeşımderdıŋ sapasyna qoiylatyn talaptardy küşeitedı.
Veloşeru alǧa ūmtyludyŋ, bırlıktıŋ jäne Qarjy ministrlıgı ūjymynyŋ memleket aldynda tūrǧan mındetterdı ıske asyrudaǧy ortaq jauapkerşılıgınıŋ simvolyna ainaldy. Ministrlıktıŋ ärtürlı buyn, qūrylymdyq bölımşe jäne vedomstvoǧa qarasty ūiym qyzmetkerlerınıŋ qatysuy sabaqtastyqty, komandalyq ruhty jäne ortaq nätijege bırlesıp jūmys ısteuge daiyn ekenın körsettı.
Veloşeru qorytyndysy boiynşa Qarjy ministrı Mädi Takiev jeŋımpazdardy diplomdarmen jäne estelık syilyqtarmen marapattap, qatysuşylarǧa zor densaulyq, käsıbi qyzmetterıne tabys jäne jaŋa jetıstıkter tıledı.
Äielder arasynda jüldelı oryndarǧa ie bolǧandar:
* I oryn – Äigerım Sadybek, Memlekettık qazynaşylyq komitetı;
* II oryn – Äliia Däuletbaeva, «Digital Silk Road Company» JŞS;
* III oryn – Aigül Särsembenova, Memlekettık qazynaşylyq komitetı.
Erler arasynda jüldegerler:
* I oryn – Äli Qyzaibai, «Elektrondyq qarjy ortalyǧy» AQ;
* II oryn – Aibek Rymtai, Memlekettık kırıster komitetı;
* III oryn – Qairat Sūltanbekov, «Aqparattyq-esepteu ortalyǧy» AQ.
Qarjy ministrlıgınde korporativtık mädeniettı damytu, qyzmetkerlerdıŋ densaulyǧyn nyǧaitu jäne bırtūtas komandany qalyptastyru tiımdı memlekettık qyzmettıŋ maŋyzdy qūramdas bölıgı ekenı atap ötıldı. Mūndai ıs-şaralar ūjym ışındegı senımdı nyǧaituǧa, qūrylymdyq bölımşeler arasyndaǧy özara ıs-qimyldy arttyruǧa jäne vedomstvo aldynda tūrǧan mındetterdı sapaly oryndauǧa ortaq jauapkerşılıktı qalyptastyruǧa yqpal etedı.
Qarjy ministrlıgı jüiesınde jaŋa Konstitusiianyŋ qūndylyqtaryn tüsındıru jäne keŋınen nasihattau jūmystary aldaǧy uaqytta da jalǧasady. Būl jūmysqa aumaqtyq organdar men vedomstvoǧa qarasty ūiymdar da belsendı qatysady.
