Europalyq odaq Armeniiadan keletın tauarlardyŋ 80 paiyzyna baj salyǧyn alyp tastaidy, dep habarlaidy "Adyrna" ūlttyq portaly.
Būl turaly Europalyq komissiia töraǧasy Ursula fon der Liaien Erevanda habarlady.
Onyŋ aituynşa, jeŋıldık Resei şekteu qoiǧan armian tauarlaryna da qatysty bolady. Onyŋ ışınde jaŋa pısken jemıster, susyndar jäne alkogol önımderı bar.
Sonymen qatar Euroodaq Armeniiaǧa 52 million euro kölemınde qarjylai kömek körsetedı. Qazırdıŋ özınde onyŋ 34 million eurosy audarylǧan. Qalǧan qarajat jaqyn uaqytta berıletını habarlanǧan.
Europalyq odaq būl qoldau Armeniianyŋ ekonomikasyn damytuǧa jäne eldıŋ reformalaryn jalǧastyruǧa kömektesetının aitty. Sondai-aq kölık, energetika jäne sifrlyq bailanys salalaryndaǧy jobalarǧa qoldau körsetılmek.
Būdan bölek, Armeniia men Äzerbaijandaǧy jergılıktı qauymdastyqtardy damytu üşın taǧy 20 million euro bölınedı. Būl qarjy densaulyq saqtau, minadan tazartu, käsıbi bılım beru jäne şaǧyn biznestı qoldauǧa jūmsalady.
