Semei qalasynyŋ maŋynda sintetikalyq esırtkı taratumen ainalysqan studentter ūstaldy. Būl turaly QR IIM TJK baspasöz qyzmetı mälımdedı, dep habarlaidy “Adyrna” ūlttyq portaly.
Mälımet boiynşa, üş küdıktı de 18 jasta jäne jergılıktı kolledjderdıŋ bırınde oqidy. Olar esırtkı satuşylardan Telegram arnalar men psihotroptyq zattardy satatyn saittar arqyly tapsyrys alǧan.
Olardyŋ jūmysy Semei aumaǧynda esırtkını jetkızu bolǧan. Tıntu kezınde olardan jalpy salmaǧy 13 gramnan asatyn, ülken ölşemdı qūraityn sintetikalyq "Alfa-PVP" esırtkısı salynǧan, polietilenge oralǧan 34 tüiınşek tabyldy. Ūstalǧandar uaqytşa ūstau izoliatoryna qamaldy. Olar 15 jylǧa deiın bas bostandyǧynan aiyryluy mümkın. Esırtkı biznesıne jastar ädette qosymşa jūmys ızdep jiı tüsıp ketedı. Osy oraida polisiia ata-analardy saq boluǧa şaqyrady."Jūmys sipatyn teksermei sait äkımşısı, kurer retındegı qyzmetke ornalasu turaly ūsynystardy qabyldamaŋyzdar. Ädette jūmys beruşıler joǧary tabys pen kez kelgen uaqytta biznesten käsıptı tastap kete alu mümkındıgımen jastardy qyzyqtyrady. Degenmen esırtkı taratuşylar men esırtkı jetkızuşılerdı polisiia ūstap, sot ükımımen ūzaq jyldarǧa bas bostandyǧynan aiyryp jatady", – dedı polisiia.
”Adyrna” ūlttyq portaly
Ūqsas jaŋalyqtar
