Petropavl qalasynyń ákimdigi memlekettik tapsyrystar portalyna 3,6 mıllıon teńge bolatyn jańa lot ornalastyrǵan. Alaıda jóndeý jumystaryna arnalǵan qarjynyń 1 mıllıon teńgesi qymbat dýsh kabınasyn satyp alýǵa jumsalmaq. Bul týraly Petropavlsk.news. jarııalady, dep habarlaıdy “Adyrna” ulttyq portaly.
Málimet boıynsha, ákimdik ǵımaratynyń 4-qabatyna jóndeý jumystaryn júrgizý josparlanǵan. Al jumystyń negizgi maqsaty – uzyndyǵy 1,5 metr, al bıiktigi 2 metr bolatyn dýsh kabınasyn ornatý.
“Múmkin onda qazir saýna bar shyǵar? Ákimdik týraly taǵy neni bilmeımiz?” - delingen basylymda.
Bólingen qarjynyń 1 mıllıon teńgesi jumysshylardyń jalaqasyna, 1,5 mıllıon teńgesi qurylys materıaldaryna, al 848 myń teńgesi (qosymsha shyǵyndarmen qosa eseptegende, bul qarjy 916 myń teńgege jetedi) dýsh kabınasyna arnalǵan.
”Adyrna” ulttyq portaly
