QR Mäjılısınıŋ deputaty Erlan Sairov Moŋǧoliiadaǧy bolǧan saiasi būlǧaqqa qatysty pıkır bıldırdı. Ol Qazaqstan bilıgındegıler men oligarhtardyŋ "Qasırettı Qaŋtar" men Moŋǧoliiadaǧy şerudı esten eş şyǧarmauy tiıs ekendıgın aitty. Qazaqtyŋ joǧalǧan, ūrlanǧan qazynasyn qaitaruǧa şaqyrdy. Būl jaily "Adyrna" ūlttyq portaly habarlaidy.
- Moŋǧoliiadaǧy jaǧdai bızge sabaq boluy kerek. Özımızdıŋ "Qasırettı Qaŋtar" sabaqtary da ärqaşan este boluy basty aspekt. Iаǧni, memleket pen halyqtyŋ mūŋ-müddesıne qarsy şyǧyp, halyqtyŋ igılıkterınen küneltkısı keletın, şeşım qabyldau tetıkterıne jaqyn jürıp, özınıŋ qūlqynyn toltyratyn toptar bilık ainalasynan tazartyluy tiıs. Oligarhiia men memleket "toptasyp" ketkende qandai da bolmasyn elde moraldyq qūndylyqtar joiyla bastaidy. Öitkenı, şyndyq pen ädılettılık jūmys ıstemei qalady.
"Balyq basynan şıritındıgı" tärızdı, bızdıŋ şeşım qabyldau tetıkterın, iaǧni ministrlıkterdı oligarhtardyŋ "äser etuınen" tazartu qajet.
Öitkenı ädılettılık bolmasa, eldıŋ berekesı qaşady.
Sonymen bırge, Ekıbastūzda maining firmalaryn qaptatyp milliardtaǧan paida tauyp, halyqty "qan qaqsatyp" qoiǧan toptar anyqtalyp, jazalanuy tiıs. Qūrylyp jatqan komissiialardyŋ negızgı jūmysy oligarhtardyŋ halyq esebınen tapqan paidalaryn anyqtap, elge qaitaru, tehnogendı apatqa şynaiy kıälılerdı anyqtau. Halyq pen azamattardyŋ "joǧalǧan paidasy" anyqtalyp, eselep biudjetke qaitaryluy kerek. Būl mäsele boiynşa halyqtyŋ, jūrtşylyqtyŋ ünı naq estıluı tiıs, - dedı deputat.
"Adyrna" ūlttyq portaly
Ūqsas jaŋalyqtar
