Bız kreativtı jastardy ärqaşan qoldauǧa daiynbyz - Darhan Qydyrälı

3331
Adyrna.kz Telegram
https://adyrna.kz/content/uploads/2022/12/318434931_6121157067895561_3186998588442253108_n.jpg
Aqparat jäne qoǧamdyq damu ministrı Darhan Qydyrälı "El bırlıgı" TikTok house jobasynyŋ qatysuşylarymen kezdesıp, kreativtı jastardy ärqaşan qoldauǧa daiar ekenın jetkızdı, dep jazady "Adyrna" ūlttyq portaly.
"Mädeni jäne tarihi qūndylyqtardy, mädenietaralyq dialogty nasihattauda būl jobanyŋ mänı men maŋyzy zor. Bügınge deiın jastardyŋ Tik-Tok-taǧy qaitalanbas qyzyqty beinerolikterı alty jarym millionnan astam körılım, tört jüz jetpıs myŋnan asa «laik» jinaǧan eken. Būl olardyŋ eŋbekterınıŋ köpşılık tarapynan joǧary baǧalanyp jatqandyǧynyŋ aiqyn dälelı.
Aldaǧy uaqytta körsetkış sany odan da artaryna senımımız mol. Öitkenı jastarymyz jarqyn ideialarynyŋ jüzege asuyna jan-tänımen, bar küş-jıgerın jūmsap jatqanyn körıp-baiqap otyrmyz.
Tik-Tok bügınde milliardtaǧan qoldanuşysy bar älemdegı eŋ tanymal platformalardyŋ bırı. Bızdıŋ elde Tik-Tok qoldanuşylary arasynda qazaq tılındegı kontentke sūranys artyp otyr. Osy oraida, jaqynda elımızde Tik-Tok kompaniiasynyŋ öŋırlık ofisı aşylǧanyn taǧy da tılge tiek etkım keledı. Tik-Tok keŋsesınıŋ aşyluy osy platformanyŋ belsendı qoldanuşylaryna köptegen mümkındık beretını sözsız.
Bız öz tarapymyzdan qazaq tıldı kontentterdı damytuǧa, jaŋa sapaǧa köteruge bailanysty jūmystardy jalǧastyra beremız. Mäselen, jaqynda elordada ötetın Ortalyq Aziia media forumyna YouTube arnasynda 18 millionnan astam jazyluşysy jäne 5 milliardtan astam qaralymy bar, özderıŋızge belgılı D Billions muzykalyq toby keledı. Olardyŋ elımızge keluı maŋyzdy oi almasular men jaŋa mümkındıkterge jol aşady degen ümıttemız. Jastar – qoǧamnyŋ barlyq salasyndaǧy eŋ basty qozǧauşy küş. Bız öz tarapymyzdan kreativtı jastardy ärqaşan qoldauǧa daiynbyz",- dep jazdy ministr özınıŋ feisbuk paraqşasynda.
"Adyrna" ūlttyq portaly 
Pıkırler