Memleket basşysy Qasym-Jomart Toqaev VIII sailanǧan QR Parlamentınıŋ bırınşı sessiiasynda söilegen sözınde ekonomikany monopoliiadan aryltu jūmystaryna toqtalyp öttı, dep habarlaidy “Adyrna” ūlttyq portaly.
«Irı käsıporyndar jäne şikızat eksportymen ainalysatyn kompaniialar qazynaǧa köbırek tölem tüsırse, ädıldık bolar edı. Būl – älemde bar ozyq täjıribe. Qazır eldegı jaǧdai tübegeilı özgerdı. Ädılettı Qazaqstan degenımız – jalaŋ ūran emes, būl – anyq aqiqat. Alda atqaratyn jūmys köp. Bız būǧan bır el bolyp tügel atsalysuymyz kerek», - dedı Qasym-Jomart Toqaev.Sondai-aq, Prezident ötken jyldyŋ basynan berı ekonomikany monopoliiadan aryltu jūmystary jürgızılıp kele jatqanyn aitty.
«Būl – Ükımetten erık-jıger men joǧary käsıbilıktı talap etetın kürdelı prosess. Būl jūmysty jalǧastyrǧan jön. Transferttı baǧa belgıleu, halyqaralyq salyq salu, subsidiia men memlekettık resurstardy bölu kezınde baqylaudy qamtamasyz etetın tüsınıktı jäne tiımdı qūraldardy qoldanysqa engızu qajet», - dedı Memleket basşysy.Jalpy, orta jäne şaǧyn käsıpkerlıktı qoldau saiasaty memleketımızdıŋ ūzaq merzımge arnalǧan tūraqty strategiiasyna ainaluy kerek.
«Aq jol» partiiasy şaǧyn jäne orta biznestı damytu, ekonomikany monopoliiadan aryltu turaly ünemı aityp jür. Partiianyŋ Mäjılıstegı deputattary osy jūmysqa öz ülesın qosady dep senemın. Sondai-aq, käsıpkerlerdıŋ bastamasymen qūrylǧan Respublica partiiasy Parlamentke öttı. Būl ūiym biznestıŋ damuyna qolaily jaǧdai qalyptastyruǧa atsalysady dep oilaimyn», - dedı Prezident.Aita keteiık, elordada VIII sailanǧan Qazaqstan Respublikasy Parlamentınıŋ bırınşı sessiiasy aşyldy. Jiynǧa jaŋadan sailanǧan deputattar, memlekettık organdardyŋ basşylary, Ūlttyq qūryltai müşelerı, qoǧam qairatkerlerı qatysuda.
Ūqsas jaŋalyqtar
