Qaŋtar oqiǧasyna bailanysty sotty bolǧan Almaty oblysy Polisiia departamentınıŋ būrynǧy basşysy Serık Küdebaevtyŋ elden qaşyp ketkenı turaly BAQ betterınde aqparat tarady, dep habarlaidy “Adyrna” ūlttyq portaly.
Tengrinews.kz tılşısı aqparattyŋ män-jaiyn anyqtau maqsatynda qūzyrly organdarǧa habarlasqan.
Joǧarǧy sottaǧylar Küdebaev sot prosesı uaqytynda elden şyqpau turaly qolhatpen jürgenın aitady.
Odan bölek, redaksiia ökılderı qylmystyq-tüzeu jüiesı komitetınen aqparat sūrady. Alaida, vedomstvo ökılderı būl aqparatqa qatysty jauap bermegen.
Keiın Işkı ıster ministrlıgıne, Bas prokuraturaǧa jäne ŪQK ŞQ-na jügıngen. Alaida qazırgı uaqytta organdar būl jaǧdaiǧa resmi türde tüsınıkteme bergen joq.
Serık Küdebaevtyŋ şetelge qaşyp ketkenı turaly aqparatty Nege.kz redaksiiasy da habarlady. Basylym mälımetınşe, Küdebaev Qyrǧyzstan arqyly Özbekstanǧa ötıp, ary qarai charter arqyly Soltüstık Kiprge ketıp qalǧan.
“Almaty oblysy polisiia departamentınıŋ būrynǧy bastyǧy Serık Qūdebaev qaŋtar aiyndaǧy oqiǧalar boiynşa elden qaşyp kettı. Oǧan bır ai būryn sot ükımı şyǧuy kerek edı, bıraq sot qandai da bır sebeptermen keiınge qaldyryldy. Küdebaev auruhanaǧa jatty”, – dep jazylǧan habarlamada.
Derekköz mälımet boiynşa, Küdebaevtyŋ osyndai mazmūnda qaşuǧa daiyndaluy mümkın. Öitkenı ol Qyrǧyzstanmen şekaradan kedergısız ötıp, sol jerden Özbekstanǧa, keiın charterlık reispen Qazaqstannyŋ ekstradisiialau turaly kelısımı joq Soltüstık Kiprge ūşyp ketuı mümkın.
Aita keteiık, keşe sottaluşynyŋ sot otyrysyna kelmeuıne bailanysty sottaluşynyŋ däleldı sebepterın rastaityn mälımetter joq ekenı aityldy.
“Soǧan bailanysty Qylmystyq ıs jürgızu kodeksınıŋ 157 jäne 335-baptaryna säikes sot Küdebaevty körsetılgen uaqytqa mäjbürlep äkelu turaly qauly şyǧardy”, – delıngen sot habarlamasynda.
Eske salaiyq, Serık Küdebaev byltyr säuırdıŋ aiaǧynda öz erkımen qyzmetınen bosatyldy. Al mamyrda ol qaŋtar oqiǧasy boiynşa küdıktı dep tanyldy.
Būǧan deiın polisiia general-maiory Serık Küdebaev "bilıktı nemese lauazymdyq ökılettıgın asyra paidalanǧany üşın" ortaşa qauıpsızdık koloniiasynda toǧyz jylǧa deiın bas bostandyǧynan aiyryluy mümkın ekenı aityldy.
10 nauryzda Almaty oblysy Polisiia departamentınıŋ būrynǧy basşysy Serık Küdebaev auruhanaǧa tüsken bolatyn. Al oǧan qatysty ükım 10 nauryzda şyǧuy kerek edı. Alaida būrynǧy polisiia basşysyna qatysty sot otyrysy belgısız merzımge şegerıldı. 27 nauryzda Küdebaevqa qatysty sot otyrysy törtınşı ret şegerıldı. Artynşa 20 nauryzda Serık Küdebaev sotqa mäjbürlı türde jetkızıletını belgılı boldy.
