Polisiia qyzmetkerlerı Öskemen qalasyndaǧy kolledj studentın aiausyz soqqyǧa jyqqandarǧa qatysty tergeu amaldaryn jürıgızudı bastady. Oqiǧa beinekadrlaryn äleumettık jelıde taratyp, aqparat ainalymyna salǧan "aitaqşylardyŋ" da qylmystyq jauapkerşılıkke tartylatyny aityldy, dep habarlaidy "Adyrna" ūlttyq portaly.
Öskemen qalalyq polisiiasy kamera aldynda qūrbysyn küştep şeşınuge mäjbürlegen bır top jasöspırım qyzdyŋ äreketın videoǧa tüsırıp, ony taratu faktısı boiynşa qylmystyq ıs qozǧalǧanyn mälımdedı. Būl jaily Yk-news jazdy.
"Būl materialdardy zaŋsyz taratu faktısı boiynşa qylmystyq ıs qozǧaldy. Osy qylmystyq ıs şeŋberınde oǧan qatysy bar adamdar anyqtalyp, qylmystyq jauapkerşılıkke tartylatyn bolady", - dedı jergılıktı polisiia qyzmetı basqarmasynyŋ Erekşe tapsyrmalar jönındegı aǧa inspektory, polisiia maiory Äigerım Beisembaeva.Jasöspırımdı jäbırleuşı topta kolledj studentterımen qosa mektep oquşylary da bolǧan. Olarǧa qatysty ŞQO Prokuraturasynyŋ qoǧamdyq müddelerdı qorǧau basqarmasynyŋ prokurory Säule Gubaşeva aqparat bölıstı:
"Segız jasöspırım anyqtaldy. Beseuı - ärtürlı kolledjdıŋ studentterı jäne ärtürlı mekteptıŋ üş oquşysy da bar, olar bırneşe kün boiy jäbırlenuşını qorqytyp, qudalap, ūryp-soǧyp, videoǧa tüsırgen".Esterıŋızge sala keteiık, säuır aiynyŋ basynda äleumettık jelıde jasöspırımderdıŋ qūrbysyn soqqyǧa jyǧyp, qorlauyn beineleitın video tarady. Alaida, būl fakt bır ai būryn Öskemendegı sauda ortalyqtarynyŋ bırınde oryn alǧany belgılı boldy. Tergeu amaldary jalǧasyp jatyr.
"Adyrna" ūlttyq portaly
jastar
Qazaqstan
#Öskemen
qylmystyq ıs
öskemen qalasy
el
Jaŋa Qazaqstan
qazaq elı
jastar elı
tälım tärbie
