Türkıstan oblysynda Qazaqstan prezidentı Qasym-Jomart Toqaevtyŋ qatysuymen ötetın ūlttyq qūryltaiǧa 390 mln teŋge bölıngendıgı aqparat qūraldarynda aityla bastaǧany mälım. Qomaqty qarjysymen köpşılık nazaryn audarǧan Türkıstandaǧy ūlttyq qūryltaidyŋ negızgı otyrysy bügın ötedı dep josparlanǧan, dep habarlaidy "Adyrna" ūlttyq portaly.
Eske salaiyq, Ūlttyq qūryltaidyŋ alǧaşqy otyrysy byltyr 16 mausymda Ūlytau oblysynda ötken bolatyn. Alqaly jiynda söz söilegen Memleket basşysy kelesı basqosudy kielı Türkıstanda ötkızudı ūsynǧan edı.
«Qūryltaidyŋ är aimaqta ötuı sol öŋırdıŋ damuyna serpın beredı. Onyŋ müşelerı är joly bır öŋırdıŋ tynys-tırşılıgımen tanysady», – dedı Q.Toqaev.Jiynǧa Memleket basşysy Qasym-Jomart Toqaev qatysady dep josparlanǧan. Qūryltai ötetın alaŋ qazaqtyŋ 12 qanatty kiız üiı tärızdı bezendırılgen. Är aimaqtan jinalǧan türlı sala ökılderı keşe Türkıstanǧa kelıp, alǧaşqy seksiialyq jūmystarǧa qatysty. Qūryltai barlyq oblystyŋ, san türlı salanyŋ, är buynnyŋ ökılderın qamtidy. Mūnda azamattyq ūstanymy bar orta buynnyŋ täjıribesı, jaŋaşa oilaityn jastardyŋ tyŋ ideialary ortaǧa salynady. Oraiy kelgende aita keteiık, osydan bırneşe kün būryn Türkıstandaǧy ūlttyq qūryltaidy ötkızuge 390 mln teŋge jūmsalatyndyǧy būqaralyq aqparat qūraldarynda aitylǧan edı.
"Adyrna" ūlttyq portaly
Ūqsas jaŋalyqtar
