Astananyŋ 25 jyldyǧy. Bauyrlas qalalar forumynda Nazarbaevtyŋ esımı ataldy

Bügın, 5 şılde künı Memleket basşysy Qasym-Jomart Toqaevtyŋ Elordasy Astananyŋ 25 jyldyq 5 jyldyq mereitoiyna arnalǧan bauyrlas qalalar forumyndaǧy sözı bastaldy, dep jazady "Adyrna". Būl turaly Aqorda baspasöz qyzmetı bölıstı.  Şaraǧa bauyrlas qalalardyŋ basşylar jäne älemnıŋ är türlı elderınen kelgen meimandar, sondai-aq elordanyŋ būrynǧy äkımderı, qalamyzdyŋ qūrmettı tūrǧyndary, eŋbek ardagerlerı, mädeniet, ǧylym, sport qairatkerlerı, ǧalymdar, ūstazdar, memlekettık qyzmetşıler qatysuda. Toqaev arnaiylap kelgen qonatarǧa rizaşylyǧyn bıldırıp, "Astana qalasynyŋ salynuy – Täuelsız Qazaqstannyŋ tarihynda airyqşa mänı bar oqiǧa bolǧanyn" atap öttı. "Būl – halqymyzdyŋ bolaşaq taǧdyryn aiqyndaǧan asa maŋyzdy jäne der kezınde qabyldanǧan tarihi şeşım. Tūŋǧyş Prezidenttıŋ osy bastamasy jaŋa ūlttyq ideiaǧa ainaldy. Būl şeşım elımızdıŋ, halqymyzdyŋ ūlttyq müddesıne sai kelgenıne eşqandai kümän joq. Sondyqtan bärımız Nūrsūltan Äbışūly Nazarbaevtyŋ būl saladaǧy eŋbegıne laiyqty, ädılettı baǧa beruımız kerek" dedı Qasym-Jomart Toqaev. Sonymen qatar, ol Ädılettı Qazaqstanda aqty aq, qarany qara deu qajet, basqa sözben aitqanda, nenıŋ şyndyq, nenıŋ ötırık ekenın ajyrata bılu kerektıgın aitty. Elordanyŋ zamanaui kelbetın qalyptastyruǧa at salysqan: Kisio Kurokava, Norman Foster, Renato Arketti, Manfredi Nikoletti siiaqty älemge äigılı säuletşılerdı atai kettı.