Ūlttyq qauıpsızdık komitetı 295 konteiner esırtkını jūtyp qoiǧan "jūtqyştar" dep atalatyn Qazaqstanǧa esırtkı jetkızu kontrabandalyq arnasynyŋ jolyn kestı, dep habarlaidy “Adyrna” ūlttyq portaly.
Aqparatqa säikes, 24 qaŋtarda ŪQK Aqtau qalasynyŋ halyqaralyq äuejaiynda ŪQK Maŋǧystau oblysy boiynşa departamentınıŋ jedel qyzmetkerlerı men şekaraşylar esırtkı tasymaldady degen küdıkpen ekı şeteldık azamatty ūstaǧan.
“Jolauşylardyŋ ış quysyna rentgenoskopiialyq zertteu bögde zattardyŋ bar ekenın körsettı. Arnaiy medisinalyq täsıldermen şeteldıkterdıŋ asqazandarynan apiyn tobynyŋ esırtkısınen tūratyn 295 konteiner şyǧaryldy. Alynǧan zattardyŋ jalpy salmaǧy 2 kg-dy qūrady”, – delıngen mälımette.
Sot şeşımımen figuranttarǧa qamauda ūstau türındegı būltartpau şarasy taŋdalǧany aitylady.
“Qylmystyq kodekstıŋ 286-baby 4-bölıgı boiynşa sotqa deiıngı tergep-tekseru jürgızılude”, – dep qosty ŪQK.
