Qazaqstan Prezidentı Qasym-Jomart Toqaev Qytaida BŪŪ-nyŋ būrynǧy Bas hatşysy Pan Gi Munmen kezdestı. Būl turaly Aqorda mälımdedı, dep habarlaidy “Adyrna” ūlttyq portaly.
«Memleket basşysy BŪŪ-nyŋ segızınşı Bas hatşysy, Boao Aziia forumynyŋ töraǧasy, Jahandyq jasyl ösu instituty (GGGI) Assambleiasynyŋ prezidentı Pan Gi Munmen kezdestı», - delıngen beisenbı künı habarlamada.
Pan Gi Munǧa Boao forumyna qatysuǧa şaqyrǧany üşın alǧys bıldıre otyryp, Toqaev onyŋ BŪŪ Bas hatşysy retındegı älemdık qoǧamdastyq aldyndaǧy eleulı qyzmetterın atap öttı.
« Menıŋ pıkırımşe, Sız Bırıkken Ūlttar Ūiymy tarihyndaǧy eŋ üzdık bas hatşylardyŋ bırı retınde qyzmet ettıŋız. Ekı jarym jyl Sızdıŋ jetekşılıgıŋızben jūmys ısteu men üşın keremet kezeŋ ärı zor märtebe boldy», – dedı Prezident.
Öz kezegınde Pan Gi Mun Qasym-Jomart Toqaevtyŋ halyqaralyq yntymaqtastyqty damytuǧa eleulı üles qosqanyn aitty. «Sız Qazaqstan Prezidentı retınde öŋırdegı beibıtşılık pen kelısımdı saqtauǧa, adamzat pen BŪŪ-nyŋ mümkındıkterın keŋeituge belsendı atsalysyp kelesız. Menıŋ oiymşa, Qazaqstan Şyǧys pen Batys arasyndaǧy asa maŋyzdy köpır rölın atqaryp otyr. Sız Şyǧys pen Batystyŋ ahualyn jaqsy tüsınesız. Būl rette täjıribeŋız mol”, – dedı Koreia diplomaty. Kezdesude halyqaralyq kün tärtıbındegı özektı mäseleler, onyŋ ışınde BŪŪ-nyŋ jahandyq syn-qaterlerdı tiımdı eŋserudegı rölı talqylandy.«Prezident Qazaqstannyŋ halyqaralyq bastamalary turaly aitty. Bas Assambleianyŋ 79-sessiiasy aiasynda Qazaqstan Fransiiamen bırlesıp «Bır su» sammitın ötkızudı josparlap otyr. Sonymen qatar, 2026 jyly Astanada aimaqtyq klimattyq sammit ūiymdastyrylady. Memleket basşysy Pan Gi Mundy basty spikerlerdıŋ bırı retınde aldaǧy Astana halyqaralyq forumyna qatysuǧa şaqyrdy», - dep tolyqtyrdy Aqorda.
Aita ketsek, Pan Gi Mun – 2007 jylǧy 1 qaŋtar – 2016 jylǧy 31 jeltoqsan aralyǧy BŪŪ-nyŋ 8-şı Bas hatşysy boldy. 2011 jylǧy nauryzda Toqaev BŪŪ Bas hatşysynyŋ orynbasary, BŪŪ-nyŋ Jenevadaǧy bölımşesınıŋ Bas direktory, sondai-aq BŪŪ Bas hatşysynyŋ qarusyzdanu jönındegı konferensiiadaǧy jeke ökılı bolǧan bolatyn.
