Elımızde 26 myŋnan astam pedagog pen bılım beru salasynyŋ qyzmetkerlerı su tasqynymen küreske jūmyldyryluda, dep habarlaidy "Adyrna” tılşısı.
Būl turaly Oqu-aǧartu ministrlıgınıŋ resmi ökılı mälımdedı.
Bügınde su tasqynynan zardap şekken öŋırlerde sapaly bılım berudı ūiymdastyru üşın joǧary jyldamdyqtaǧy internet tartylǧany aityldy. Topan su basqan Qostanai, Aqtöbe, Ūlytau jäne Şyǧys Qazaqstan oblystary boiynşa 13 mektep Starlink jelısıne qosyldy.«Oqu-aǧartu ministrlıgı öŋırlerde oqu prosesın ūiymdastyru jūmystaryn jalǧastyruda. Ministrlık ökılderı Atyrau, Qostanai, Aqmola, Maŋǧystau jäne Abai oblystarynyŋ jaǧdaiymen baryp tanysty. Su tasqyny bastalǧan uaqyttan 4 739 bala sauyqtyru ortalyqtaryna, kolledjder men joǧary oqu oryndarynyŋ jataqhanalaryna jäne innovasiialyq mektep-lisei internattaryna ornalastyryldy. Sondai-aq balalar men ata-analar üşın qosymşa 8 myŋǧa juyq oryn äzırlendı. Oquşylar qajettı oqu qūraldarymen, kiımmen jäne tamaqtanumen qamtyluda», - dedı ministrlık ökılı Mereke Amangeldıqyzy Ortalyq kommunikasiialar qyzmetındegı brifingte.
«26 myŋnan astam pedagogter men bılım beru salasynyŋ qyzmetkerlerı su tasqynyna qarsy şaralarǧa, onyŋ ışınde jaǧalaudy bekıtu jūmystaryna qatysuda. 400-ge juyq mektep psihology evakuasiialyq punktterdegı balalar men azamattarǧa psihologiialyq kömek körsetude. Odan bölek ministrlıktıŋ baǧynysty ūiymdary men aumaqtyq departamenterınıŋ 300-den astam qyzmetkerı balalardyŋ oqu prosesı men sapaly demalysyn ūiymdastyruda», - dedı ministrlıktıŋ resmi ökılı.
Ūqsas jaŋalyqtar
