Mädeniet jäne aqparat ministrlıgınıŋ qoldauymen batyrlargatagzym.kz portaly ıske qosyldy. Būl turaly ministrlıktıŋ baspasöz qyzmetı mälımdedı, dep habarlaidy “Adyrna” ūlttyq portaly.
Sait Ekınşı düniejüzılık soǧyqsa qatysqan qazaqstandyq ardagerler turaly mälımettermen toltyrylǧan aqparattyq resursty ūsynady.
Jobanyŋ basty maqsaty – är batyrdyŋ tarihta laiyqty tanyluyn qamtamasyz etu.“Türlı aqparat közderınen aqparat jinaǧan sait qazaqstandyqtardyŋ maidandaǧy erlıgınıŋ mäŋgılık eskertkışı bolyp sanalady. Mädeniet jäne aqparat ministrlıgı pilottyq jobany 2023 jyly ıske qosty jäne ol bırden azamattyq qoǧam men erıktılerdıŋ ülken qyzyǧuşylyǧyna ie boldy. Bügıngı künı portaldyŋ funksionaly keŋeitılıp, derekter tolyqqandy jüielendı. Portal bır jyldyŋ ışınde, iaǧni Ūly Otan soǧysynyŋ 80 jyldyǧyna orai barlyq qazaqstandyq ardager turaly derekterdı bırıktıretın aqparattyq interaktivtı jüiege deiın jetıldırıledı”, delıngen habarlamada.
Sondai-aq, jobany jüzege asyruǧa ükımettık emes ūiymdar men erıktıler qatysty.
Ärbır qazaqstandyq soǧys ardagerlerı turaly qosymşa aqparat beru arqyly būl jobaǧa öz ülesın qosa alady. Kez kelgen adam jeke otbasylyq mūraǧattarda saqtalǧan qūjattardy jobaǧa köşıruge beru arqyly saitty tolyqtyruǧa kömektesu mümkındıgıne ie bolady. Būl fotosuretter, qūjattar, maidannan kelgen hattar jäne basqa materialdar boluy mümkın.
