Bas prokurordyŋ orynbasary Ǧalymjan Qoigeldiev Şerzat Polattyŋ otbasy üiınıŋ örtke oranuyna qatysty tergeu jūmystary jönınde jaŋa mälımettermen bölıstı, dep habarlaidy “Adyrna” ūlttyq portaly.
Qoigeldievtıŋ aituynşa, atalǧan ıske qatysty sotqa deiıngı tergeu jūmystary älı de jalǧasuda.
«Bırqatar saraptamalar taǧaiyndalyp, olardyŋ nätijelerı alyndy. Sonymen qatar, Resei Federasiiasyna halyqaralyq tergeu tapsyrmasy jıberıldı», – dedı ol Senattaǧy brifing barysynda.
Bas prokurordyŋ orynbasarynyŋ sözınşe, qūqyq qorǧau organdary serıktes elderden sputniktık suretter arqyly oqiǧa bolǧan künı Şerzattyŋ üiınıŋ maŋynda qandai kölıkter tūrǧanyn anyqtauǧa tyrysyp jatyr.
«Būl – ıstıŋ tolyqtyǧy üşın qajet. Sondyqtan uaqyt kerek», – dep tüsındırdı ol.
Eske sala keteiık, 2024 jylǧy 4 qazanǧa qaraǧan tünı Talǧar qalasynda 16 jastaǧy Şerzat Polat dükende äkesıne kömektesıp jürgende, agressivtı satyp aluşymen qaqtyǧys bolyp, arty jantürşıgerlık qylmysqa ūlasqan. Küdıktıler Şerzat pen onyŋ tuystaryna pyşaq jäne aŋşy myltyǧymen şabuyl jasaǧan. Oqiǧa ornynda Şerzat qaza tapty.
Keiın būl ıstı Işkı ıster ministrı Erjan Sadenov öz baqylauyna alǧan edı. Jetı küdıktı ūstalyp, olar ekı ai merzımge qamauǧa alynǧan.
Qaiǧyly oqiǧadan keiın Şerzat Polattyŋ otbasynyŋ üiı örtelıp ketken bolatyn. Qazırgı uaqytta tergeu organdary būl qylmystyŋ barlyq qyryn anyqtauǧa küş salyp jatyr.
Ūqsas jaŋalyqtar
