1 mausym künı saǧat 12:00-den 18:00-ge deiın Ǧaşyqtar saiabaǧynda EuroFest 2025 festivalı ūiymdastyryldy.
Festival baǧdarlamasy öte mazmūndy ärı qyzyqty. Keluşıler Europa elderınıŋ ūlttyq taǧamdary men susyndarynan däm tatyp, türlı elderdıŋ mädenietımen jaqynyraq tanysa alady. Sonymen qatar, ıs-şara aiasynda Europalyq Odaqtyŋ Qazaqstan men Ortalyq Aziiada jüzege asyryp jatqan bılım beru, innovasiia jäne tūraqty damu salalaryndaǧy jobalary tanystyrylady.
Festival aiasynda türlı muzykalyq jäne bi qoiylymdary ötedı. Künı boiy ispan flamenkosy, rumyn bilerı men nemıs änderı şyrqalyp, horvat mädenietınıŋ körmesı ūiymdastyrylady. Sondai-aq balalar men jasöspırımderge arnalǧan oiyn-sauyq aimaǧy men şyǧarmaşylyq şeberhanalar jūmys ısteidı.
Aita keterlıgı, EuroFest 2025 tek mädeni şara ǧana emes, qaiyrymdylyq missiiasy bar äleumettık joba. Festival barysynda jinalǧan barlyq qarajat jergılıktı qaiyrymdylyq ūiymdaryna baǧyttalady.
Būl — bırlık pen mädeni ärtürlılıktı därıpteitın, qoǧamǧa degen janaşyrlyqty aldyŋǧy qatarǧa qoiatyn naǧyz europalyq mereke. Elorda tūrǧyndary men qonaqtaryn osy jarqyn oqiǧanyŋ bır bölıgı boluǧa şaqyramyz.
