Jeksenbı künı Prezident Qasym-Jomart Toqaev öz jarlyǧymen Qorǧanys ministrı Ruslan Jaqsylyqovty qyzmetınen bosatty, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı mälımdedı.
Būǧan deiın Ruslan Jaqsylyqov äskerdegı adam ölımıne bailanysty qoǧam synyna qalǧan. Joǧary şendı şeneunıktıŋ osyǧan bailanysty orynsyz jauap bergenı de narazylyq tudyrǧan. Onyŋ memleketttık tılge şorqaqtyǧy da talai synalǧan. Soŋǧy kezderı adamdardy äskerge küştep äketu oqiǧalary da jiılegen.
Odan bölek, Ruslan Jaqsylyqov osydan tura bır ai būryn Jeŋıstıŋ 80 jyldyǧynda Mäskeuge jasaǧan sapary barysynda Reseimen qarym-qatynas jaiynda "Bız qonaq emespız. Bız – dostarmyz, odaqtaspyz jäne qarulas bauyrlarmyz"- dep atap ötıp, elımızde ötken paradty "Otan qorǧauşylar künıne orai emes, Jeŋıs künıne arnaiy ötkızılgenın" aitqan edı.
Mūnyŋ syrtynda bıraz būryn jūbaiy jäne 3 balasymen äskeri kiım kiıp, medaldarmen jasaǧan fotosessiiasy halyq arasynda keŋınen talqylanǧan edı.
Ruslan Jaqsylyqov Qaŋtar oqiǧasynan keiın 2022 jylǧy 19 qaŋtardan bastap Qorǧanys ministrı bolyp taǧaiyndalǧan bolatyn. Keiın qaitara taǧaiyndalǧan kezderı boldy.
Jaqsylyqovtyŋ ornyna Memleket basşysynyŋ bügıngı Jarlyǧymen Däuren Qosanov Qazaqstan Respublikasynyŋ Qorǧanys ministrı bolyp taǧaiyndaldy.
Däuren Qosanov būǧan deiın Qorǧanys ministrınıŋ orynbasary – Qazaqstan Qaruly Küşterınıŋ Äue qorǧanysy küşterınıŋ bas qolbasşysy qyzmetın atqarǧan.
55 jastaǧy general-leitenant aviasiia Däuren Qosanov Armavir joǧary äskeri ūşqyştar aviasiialyq uchilişesın (1990 j.), Iý.A. Gagarin atyndaǧy Äue küşterı akademiiasyn, sondai-aq Resei Federasiiasy Qaruly Küşterı Bas ştabynyŋ Äskeri akademiiasyn tämamdaǧan.
Ol «Äskeri ūşqyş-mergen» ataǧynyŋ iegerı.
