AQŞ-tyŋ Los-Andjeles qalasynda migrasiialyq reidterge qarsy bastalǧan narazylyqtar küş qoldanu men tärtıpsızdıkterge ūlasty. Osyǧan bailanysty Tramp äkımşılıgı qalaǧa Ūlttyq gvardiianyŋ ekı myŋ sarbazyn jıberdı, dep habarlaidy "Adyrna" ūlttyq portaly.
Būl şeşım qoǧamda ülken dau tudyrdy.
AQŞ qorǧanys ministrı Pit Hegset eger zorlyq-zombylyq jalǧasatyn bolsa, Pentagon äsker jıberuı mümkın ekenın mälımdedı. Onyŋ aituynşa, Kemp-Pendltondaǧy teŋız jaiau äskerlerı joǧary daiyndyq küiıne keltırılgen.
Senbı künı Los-Andjelestıŋ Paramaunt audanynda AQŞ-tyŋ Köşı-qon jäne keden qyzmetı (ICE) agentterı men narazylyq bıldıruşıler arasynda qaqtyǧys oryn aldy. Demonstranttardyŋ bır bölıgı meksikalyq tulardy köterıp şyqqan. Qala ortalyǧyndaǧy taǧy bır aksiiaǧa şamamen 60 adam qatysyp, "ICE, Los-Andjelesten ket!" dep ūrandatty. Paramaunt audanynyŋ tūrǧyndarynyŋ 80%-dan astamy latinoamerikalyqtar.
Būqarany taratu üşın qūqyq qorǧau organdary köz jasauratatyn gaz ben jaryq-şuly granatalar qoldandy. Şeruler barysynda bır adam qamauǧa alynyp, bırneşe adam ūstaldy. Ekı şerif kömekşısı jaralanyp, auruhanaǧa jetkızıldı.
Prezident Tramp būl tärtıpsızdıkterdı «ükımetke qarsy bülık» dep atap, Ūlttyq gvardiia küşterın engızu turaly memorandumǧa qol qoidy. Aq üidıŋ mälımdeuınşe, sarbazdar ICE jäne basqa da federaldy organdardyŋ qyzmetkerlerın qorǧau maqsatynda 60 künge ornalastyryldy.
Kaliforniia gubernatory Gevin Niusom būl şeşımdı «arandatuşylyq» dep atady. Ol Tramptyŋ äreketın synǧa alyp, küş qoldanuǧa jol bermeuge şaqyrdy. Los-Andjeles merı Karen Bass ta federaldy bilıktıŋ būl äreketı «qorqynyş tuǧyzu maqsatynda jasalyp otyr» dep mälımdedı.
AQŞ vise-prezidentı Djei Di Vens narazylyq bıldıruşılerdı "şeteldık tularmen şyqqan bülıkşıler" dep atap, demokratiialyq partiia basşylaryn eldıŋ şekarasyn qorǧaudy elemei otyr dep aiyptady.