Almaty qalasynda bopsalaumen ainalysqan qylmystyq top ūstaldy. Būl turaly Işkı ıster ministrlıgınıŋ baspasöz qyzmetı aitty, dep habarlaidy «Adyrna» tılşısı.
Olar bırqatar auyr qylmys jasady degen küdıkke ılınıp otyr.
«Küdıktılerdıŋ şetel azamatyna küş qoldanyp, qorqytu arqyly ony jaldamaly päterde zaŋsyz ūstaǧany jäne qysym körsetu arqyly bes million teŋge kölemındegı qarajatyn tartyp alǧany anyqtaldy. Sondai-aq zaŋsyz qaru saqtau jäne qūqyqqa qaişy janjaldarǧa qatysu faktılerı tırkeldı. 25 tıntu jürgızılıp, nätijesınde jetı tapanşa, oq-därıler, suyq qarular men esırtkı zattary tärkılendı. Anyqtalǧan barlyq faktı boiynşa qylmystyq ıster qozǧaldy. Barlyq küdıktı uaqytşa ūstau izoliatoryna qamalyp, zaŋǧa säikes qataŋ jauapkerşılıkke tartylady»,—dedı IIM ūiymdasqan qylmysqa qarsy küres departamentınıŋ ökılı Quandyq Alpys.
Ministrlık eldegı, onyŋ ışınde ırı megapolisterdegı jedel ahual qūqyq qorǧau organdarynyŋ tūraqty baqylauynda ekenın atap öttı.
https://youtu.be/t4FgMCb2OmY?si=wBThPFuW8Tfrzsb6
