Qazaqstan alǧaş ret Strasburgte ötken Sybailas jemqorlyqqa qarsy memleketter tobynyŋ (GREKO) 100-plenarlyq otyrysynda baǧalauşy el retınde qatysty. Būl turaly Sybailas jemqorlyqqa qarsy ıs-qimyl agenttıgınıŋ baspasöz qyzmetı mälımdedı, dep habarlaidy “Adyrna”.
«Europa Keŋesınıŋ ǧimaratynda Sybailas jemqorlyqqa qarsy memleketter tobynyŋ (GREKO) 100-plenarlyq otyrysy öttı. Osy otyrys aiasynda Qazaqstan Respublikasy alǧaş ret sybailas jemqorlyqqa qarsy ūsynystardyŋ oryndaluyn baǧalauǧa baǧyttalǧan Besınşı baǧalau kezeŋınde baǧalauşy el retınde qatysty», – delıngen habarlamada.
GREKO Hatşylyǧynyŋ şeşımımen Qazaqstanǧa Cheh Respublikasyndaǧy qūqyq qorǧau organdarynda sybailas jemqorlyqtyŋ aldyn aluǧa qatysty ūsynystardyŋ oryndaluyn baǧalau tapsyrylǧan.
Baǧalau boiynşa serıktes el retınde Finliandiia tanyldy, ol Chehiianyŋ ortalyq memlekettık organdaryndaǧy ūsynystardyŋ oryndaluyn taldauǧa jauapty
Qazaqstan atynan otyrysqa Sybailas jemqorlyqqa qarsy ıs-qimyl agenttıgınıŋ Aqmola oblysy boiynşa departamentı basşysynyŋ bırınşı orynbasary Saǧynyş Aiaǧanova qatysty.
Ol ūlttyq sarapşy retınde jürgızılgen taldau nätijelerın tanystyryp, onyŋ negızınde esep maqūldanǧan.
Habarlamada atap ötılgendei, aldaǧy Altynşy baǧalau kezeŋıne erekşe nazar audaryldy. Būl kezeŋde öŋırlık deŋgeide sybailas jemqorlyqtyŋ aldyn alu mäselelerı azamattyq qoǧamnyŋ qatysuymen qaralady.
«Osy kezeŋdegı alǧaşqy baǧalaular Estoniia, Slovakiia, Liuksemburg jäne Sloveniiada ötedı. Sonymen qatar Qazaqstannyŋ Altynşy kezeŋge baǧalauşy el retınde qatysu mümkındıgı talqylandy. Būl elımızdıŋ halyqaralyq arenada adaldyq pen aşyqtyqty nyǧaitu baǧytyndaǧy däiektı saiasatynyŋ zaŋdy jalǧasy bolmaq», – delıngen mälımette.
