«Tūmsa tabiǧatty aialaiyq». Memleket qorǧauyna alynǧan ūlttyq parkterde jön-josyqsyz qūrylys jürgızuge tabiǧat janaşyrlarynyŋ bärı qarsy. Solardyŋ bırı – ataqty Tıleuhandar otbasynyŋ kelını Toǧjan Qojalieva. Ol psevdooppozisiialyq «HAQ» ūiymynyŋ jetekşısı. Ekologiialyq sananyŋ tolysuyna üles qosuşy ūiymnyŋ ıle alatauy parkın qorǧau üşın janyn salyp, jantalasyp jatqan qoǧamdyq keŋestıŋ beldı müşesı de Toǧjan Qojalieva, dep habarlaidy kznews.kz 1612TV youtube arnasyna sılteme jasap.
Būl Toǧjan Qojalieva bet-beinesınıŋ halyqqa körınıp tūrǧan jaryq jaǧy ǧana. Onyŋ köleŋkesınde qarauytyp körınbei tūrǧan ne närse? Toǧjan halyqtan, qoǧamdyq keŋesten ne jasyrady?
2011 jyly Ile Alatauy ūlttyq tabiǧi parkı men «ROSİMPORTSEMENT» JŞS dep atalatyn firma elımızdıŋ qorşaǧan ortany qorǧau maqsatynda şyǧarylǧan zaŋdaryn belden basyp, qoryqtyŋ 2 gektardan astam jerın jalǧa alyp, igeru jönınde kelısımşart jasady. Ol kezde «ROSİMPORTSEMENTtıŋ» būl jerdı qandai maqsatta paidalanatyny belgısız edı. Közdıŋ qaraşyǧyndai saqtaluy tiıs tabiǧi parkte auyr qūrylys jürgızuge tyiym salynǧan. Soǧan qaramai «ROSİMPORTSEMENT» «Ak Kain Spa Hotel Chalets and Residents» dep atalatyn biznes jobany bastap kettı. Ūlttyq parktıŋ qaq törınen oiyp alǧan aumaqty biık şarbaqpen qorşap, qaltaly turister men dökeiler demalatyn bırneşe kottedj qonaq üidıŋ qūrylysyn bastap kettı.
Sonda tūmsa tabiǧatty sūq qoldardan qorǧauşy qoǧamdyq keŋes müşelerı zaŋdy belşesınen basyp, ekologiiany büldırıp jatqan kım degen sūraqqa jauap tappai dal bolǧan. Qoǧamdyq keŋes müşesı Toǧjan Qojalieva da tük bılmeitın adamdai müläiımsıp, basyn salbyratyp, jai ǧana qara körsetıp alaŋ jūrttyŋ qatarynda jürdı. Onyŋ däl osy tūsta ünsız qaluy beker emes eken. Söitsek, «ROSİMPORTSEMENT» jekemenşık firmasy halyq janaşyry Toǧjan Qojalievanyŋ küieuı Meiram Tıleuhanǧa tıkelei qatysy bar bolyp şyqty. Toǧjannyŋ enesı Älmaǧambetova Äliia Seiılbekqyzy «ROSİMPORTSEMENT» JŞS qūryltaişylarynyŋ bırı Meiram ūltymyzdyŋ janaşyry Bekbolat Tıleuhannyŋ aǧasy Ramazannyŋ ülken ūly. Toǧjan kelınnıŋ Ile Alatauy tabiǧi parkın büldırıp jatqan otbasylyq firmanyŋ törkını kımge baryp tıreletının qoǧam belsendılerıne aitpai, tılı kesılıp, jūrttan jasyryp qaluynyŋ sebebı osy.
Ile Alatauynyŋ törıne qamal salyp bekınıp, zaŋsyz qūrylys salyp alǧan «ROSİMPORTSEMENT» Almaty qalalyq säulet qūrylys basqarmasyna elitalyq kottedjder qūrylysyn jürgızuge rūqsat berudı sūrap ötınış jazady. Basqarma mamandary atalǧan aumaq erekşe qorǧauǧa jatatyn tabiǧat ekenın, onda qyzyl kıtapqa engen aǧaştar baryn aityp, qūrylys jürgızuge rūqsat bermei qoiady. Oǧan qanaǧattanbaǧan «ROSİMPORTSEMENT» ökılı qalalyq säulet basqarmasyn sotqa beredı. 2019 jyldyŋ 23 aqpan künı qalalyq ekonomikalyq sot aryzdanuşynyŋ aryzyn qanaǧattandyrmai tastaidy. Zaŋsyz salyp qoiǧan qūrylysynyŋ būzylu qaupı töngen soŋ, «ROSİMPORTSEMENT» joǧary instansiiaǧa şaǧymdandy. Appeliasiialyq alqa qalalyq sottyŋ şeşımın būzyp, säulet basqarmasyna qūrylys jürgızu rūqsatyn berudı mındet deidı.
Osy jäne būdan özge zaŋsyzdyqtar turaly tömengı videoda:
https://www.youtube.com/watch?v=vDPwOL44vj0&feature=emb_title
Ūqsas jaŋalyqtar
