Videobloger Qytaidaǧy mūsylmandarǧa arnalǧan lagerdı videoǧa tüsırıp aldy, dep habarlaidy “Adyrna” ūlttyq portaly.
Stan.kz saitynyŋ mälımdemesıne süiǧnsek, Guan Guan laqap atyn ielengen bloger özın turist etıp körsetıp, ekı iyqty sömkesınde jasyrylǧan kameramen Şyŋjaŋ-Ūiǧyr avtonomiialyq audanynyŋ segız qalasyn aralap şyqty. Ol osy qalalarda Qytaidaǧy sany az, qysym körgen ūlttar tūrady dep eseptegen.
Ol tıkendı symmen, küzet mūnaralarymen jäne polisiianyŋ baqylau-ötkızu punktterımen qorşalǧan 18 lagerdı anyqtady. Sondai-aq, bloger aumaǧynan "Eŋbek arqyly tüzeu" degen ūran jazylǧan banner tabylǧan alyp tergeu izoliatoryn da tüsırgen. Köptegen lagerler kartalarda belgılenbegen.
Nauryzda jariialanǧan Newlines Institute analitikalyq ortalyǧynyŋ magometanizmge qatysty mäselelerge mamandandyrylǧan täuelsız baiandamasyna säikes, Qytai Halyq respublikasynyŋ bilıgı BŪŪ-nyŋ genosid qylmysynyŋ aldyn alu jäne ol üşın jazalau turaly Konvensiiasynyŋ är tyiymyn būzǧany anyqtaldy.
Şyŋjaŋ-Ūiǧyr aimaǧynda etnikalyq azşylyqtardyŋ basynan ötken jaǧdaidy olardy joiuǧa jasalǧan talpynys dep sanauǧa bolady.
“Adyrna” ūlttyq portaly
