"Qazaqstan bilıgı soŋǧy bır jarym apta ışındegı jappai narazylyqtan aqparat taratqan nemese oǧan qatysqan jurnalister men belsendılerdı bosatuy tiıs, narazylyqpen bailanysty barlyq ūstaular turaly aqparatty jariialap, barlyq ūstalǧandardyŋ qūqyqtaryn būzbauy kerek". Halyqaralyq Amnesty International adam qūqyǧyn qorǧau ūiymynyŋ saitynda jariialanǧan mälımdemede osylai dep aitylǧan dep habarlaidy "Adyrna" ūlttyq portaly "Azattyq.org" saityna sılteme jasap.
Qūqyq qorǧau ūiymy sonymen bırge Nūr-Sūltandy adam qūqyǧynyŋ būzylǧany jönınde habarlamalardyŋ barlyǧyn (bnarazylarǧa qaru qoldanu da bar) jan-jaqty tekserıp, adam qūqyǧyn qūrmetteuge şaqyrdy.
"Qazaqstanda jaǧdai säl tynyştalǧanmen daǧdarys älı aiaqtalǧan joq. Qazır täuelsız aqparatqa erkın qol jetkızu, adam qūqyǧyn būzǧandardy jauapqa tartu, bilıktıŋ adam qūqyǧyn qūrmetteu mındetın moinyna aluynan asqan maŋyzdy närse joq" — dedı Amnesty International ūiymynyŋ Şyǧys Europa jäne Ortalyq Aziia boiynşa direktory Mari Strazers.Narazylyq pen tärtıpsızdıktıŋ saldarynan qanşa adamnyŋ qaza bolǧanyn Qazaqstan bilıgı älı künge deiın jariialaǧan joq. Elde ız-tüzsız joǧalǧan nemese ūstalǧan, soqqyǧa jyǧylǧan belsendıler men tūrǧyndar köp. Būǧan deiın 164 adamnyŋ qaza bolǧany aitylǧanmen keiın joqqa şyǧarylǧan
"Bilıktıŋ tärtıpsızdık qūrbandary men olardyŋ qandai jaǧdaida qaza bolǧany jönınde läm-mim demeuı aşyndyrady. Bilık qanşa beibıt tūrǧynnyŋ qaza bolǧany turaly aqparatty dereu jariialauy tiıs" — dedı Mari Strazers.
"Adyrna" ūlttyq portaly
