Şymkent qalasynda osy jyldyŋ basynan koronavirus jūqtyrǧan 1253 nauqas anyqtaldy. Emdelıp şyqqan nauqastardyŋ sany 161. Ökınışke orai, 7 nauqas qaitys bolǧan. Bügınge 1085 nauqas emdelıp jatyr, onyŋ ışınde stasionarda 179 nauqas, 906 nauqas üi jaǧdaiynda ambulatorlyq em qabyldauda. Būl jönınde äkımnıŋ töraǧalyǧymen onlain rejimde ötken jiynda qalalyq densaulyq saqtau basqarmasynyŋ basşysy B.Pozilov mälımdedı.
İnfeksiialyq stasionarlardyŋ daiyndyǧyn baiandaǧan basqarma basşysy epidemiologiialyq jaǧdai naşarlasa, tösek-oryn sanyn 4 016-ke deiın, al epidemiologiialyq daǧdarys oryn alsa, 5 416 tösek-oryn aşylatynyn jetkızdı. Qazırgı taŋda tösek-oryn tolymdylyǧy 44 paiyzdy qūraidy.
Tūrǧyndardyŋ ekpe alu jaǧdaiyna toǧtalǧan ol bügıngı künı tiıstı kontingenttıŋ (596205 adam) 1-şı komponentpen 99,5%, 2 komponentpen 97% vaksinasiialanǧanyn atap öttı.
2021 jyldyŋ 15 qaraşasynan bastap 12-18 jasqa deiıngı balalar, jüktı jäne bala emızetın äielderdıŋ «Pfizer-BioNTech» vaksinasymen vaksinasiialau bastaldy. Būl vaksinasiianyŋ bırınşı komponentımen 18 816 adam, ekınşı komponentımen 8 864 adam egılgen. Al, vaksinanyŋ üşınşı dozasymen bügınge 41 773 adam revaksinasiialandy.
Qala äkımı joǧaryda aitylǧandardy eskere otyryp, qalanyŋ bas därıgerıne koronavirus infeksiiasynyŋ aldyn alu, emdeu şaralaryn tiımdı ūiymdastyrudy jäne jaǧdaidy qataŋ baqylauǧa aludy tapsyrdy.
Sonymen bırge, tūrǧyndar arasynda sanitarlyq talaptardy saqtau boiynşa tüsındırme jūmystaryn küşeitudı aitty.
Şymkent qalasy äkımdıgınıŋ baspassöz qyzmetı
