Prezident jaŋadan bekıtılgen Ükımetke halyqtyŋ kökeiınde jürgen mäselelerdı şeşuge tapsyrma berdı. Būl turaly Ūlttyq qoǧamdyq senım keŋesı müşelerınıŋ qatysuymen ötken jiynda Mäjılıs deputaty Berık Äbdıǧaliūly mälım ettı, dep habarlaidy QazAqparat tılşısı.
«Memleket basşysy Mäjılıstıŋ jalpy otyrysyndaǧy sözınde ülken saiasi mındetterdı qoidy. Ol - memlekettık tabystyŋ ädılettı bölınuı. Osy joly Prezident jaŋadan bekıtılgen Ükımetke būl baǧytta jūmysty jalǧastyruǧa, halyqtyŋ kökeiınde jürgen mäselelerdı şeşuge tapsyrma berdı. Būl öz kezegınde Ükımetke berılgen ülken senım jäne mümkındık», - dedı B. Äbdıǧaliūly.Osy oraida deputat būl baǧyttaǧy jūmystar toqtap qalmauy kerek ekenın, ony bükıl qoǧam bolyp qoldau maŋyzdy bolyp otyrǧanyn atap öttı.
«Memleket basşysy özektı mäselelerdı kötergenın bılemız. «Samūryq-Qazyna» qoryna qatysty bıraz sūraqtar boldy. Būdan bölek, memlekettık kompaniialarda qanşama tiımsız jūmsalǧan qarajat bar. Mūnyŋ barlyǧy Prezidenttıŋ aitqan eskertuımen şektelmei, anyqtalǧan derekterdı qoǧamnyŋ talqylauyna şyǧaru kerek. Sondyqtan būl baǧyttaǧy jūmystarǧa jūmylyp, Memleket basşysynyŋ bastamalaryn jalǧastyryp, onyŋ barlyǧynyŋ jüzege asuyna yqpal etuımız maŋyzdy. Iаǧni käsıpkerler men el halqy tiıstı ülesın qosqany abzal. Bastamalarǧa qarsylyq tanytatyndar şyǧatyny belgılı, öitkenı tosqauyl jasap jürgen keibırı älı de qyzmette jür. Osy oraida qoǧamnyŋ qoldauy kerek bolyp tūr», - dedı ol. «Prezident Mäjılıstıŋ jalpy otyrysynda saiasi reformalar jaiynda aitty. Endı osy qalyptasqan ahualǧa bailanysty taǧy da bıraz ūsynystarymyzdy daiyndaimyz. Menıŋ oiymşa, Ūlttyq qoǧamdyq senım keŋesınıŋ otyrysynda alǧaşqy ūsynystarymyzdy beremız. Jalpy, qoǧamdyq baqylaudy küşeitu üşın arnaiy saiasi reformalardy ılgerıletu jūmysyn jalǧastyramyz», - dedı B. Äbdıǧaliūly.Aita keteiık, Memleket basşysy Qasym-Jomart Toqaev Qazaqstan Respublikasynyŋ Parlamentı Mäjılısınıŋ otyrysynda bırqatar bastamalardy köterdı. Prezident«Samūryq-Qazyna» qory men ondaǧy şeteldık mamandardy synady.
