Vladımır Jırınovskıı Qazaqstannyń burynǵy prezıdenti Nursultan Nazarbaevtyń “baıaǵyda-aq ólip qalǵanyn” aıtty, dep habarlaıdy “Adyrna” tilshisi. Bul týraly saıasatker «Komsomolskaıa pravda» radıosynda aıtty.
«Meniń oıymsha, ol baıaǵyda-aq qaıtys bolǵan. Ólip qalǵan, ony jerlep tastady. Osylaısha tynysh tyǵylyp, únsiz qalyp, tiri júrý? Bul múmkin emes. Onyń ústine ulttyq qaýipsizdik komıtetiniń tóraǵasy birden qamaýǵa alyndy», - dedi Jırınovskıı.
Jırınovskııdiń aıtýynsha, halyq burynǵy basshylaryna qarsy shyǵyp, qutylǵysy kelgendikterin kórsetti.
Buǵan deıin BAQ eks-prezıdent Nursultan Nazarbaev eldegi jaǵdaı týraly birde-bir málimdeme jasamaǵandyqtan, eldegi tolqýlar kezinde Qazaqstannan ketýi múmkin degen boljam jasaǵan bolatyn. Keıin onyń Qazaqstannan shyqpaǵany belgili boldy.
Nazarbaev 2019 jyly naýryzda otstavkaǵa ketti. Alaıda, oǵan ult kóshbasshysy mártebesi berildi, Qaýipsizdik Keńesiniń tóraǵasy qyzmetin saqtap qaldy jáne «Nur Otan» partııasynyń tóraǵasy, Konstıtýııalyq Keńestiń múshesi bolyp qaldy.
«Adyrna» ulttyq portaly
