Bügın, 17 qaŋtar künı azamattyq belsendı, aqyn, türmedegı jyldary "saiasi tūtqyn" dep tanylǧan Kenjebek Äbışev 56 jasqa qaraǧan şaǧynda qaitys boldy. Qaraly habardy Azattyqa Äbışevtyŋ äielı Gülmira Äbışeva rastady, dep habarlaidy "Adyrna" ūlttyq portaly Azattyqqa sılteme jasap.
– Taŋǧy bes jarymda jürıp kettı. "Asqazanym şege jūtyp qoiǧandai bop, auyryp tūr" dep şaǧymdandy. Jedel järdem şaqyryp edım, olar kelgenşe jürıp kettı. "Jüregı, infarkt" dedı. Quanyşym ūzaqqa barmady ǧoi, könem ǧoi, ne ısteimın basqa?, – dedı jasyn tyia almaǧan belsendınıŋ äielı.Kenjebek Äbışev byltyr 13 qazanda şartty türde merzımınen būryn bosap şyqqan edı. Ol "jazasynyŋ" qalǧan bölıgı iaǧni, 2 jyl 4 ai 20 kündı bostandyǧy şektelgen küiı öteuı tiıs-tın. Almaty oblystyq soty 2018 jylǧy 21 jeltoqsanda Kenjebek Äbışevtı "terrorizmdı nasihattady" degen aiyppen jetı jylǧa sottaǧan edı. Bilık ony "Qazaqstannyŋ demokratiialyq taŋdauy" qozǧalysyna qatysy bar dep aiyptady. Nūr-Sūltan soty būl qozǧalysty ekstremistık ūiym dep tanyǧan. Bıraq Europarlament ony beibıt ūiym dep ataǧan. Qozǧalysqa quǧyndaǧy eks-bankir, qazır şetelde tūratyn Mūhtar Äbliazov jetekşılık etedı. 2019 jyly apelliasiialyq sot ükımdı özgerıssız qaldyrǧan. Bıraq 2020 jylǧy 13 nauryzda Qapşaǧai qalalyq soty jaza merzımın azaitqan. Qazaqstandyq qūqyq qorǧauşylar Kenjebek Äbışevtı saiasi tūtqyn dep tanyǧan. Byltyr 11 aqpanda Europarlament Qazaqstandaǧy adam qūqyǧy ahualy turaly qabyldaǧan qararynda Nūr-Sūltandy elde türmede otyrǧan saiasi tūtqyndardy bosatuǧa ündegen. Qararda 28 saiasi tūtqynnyŋ bırı Kenjebek Äbışevtıŋ de aty ataldy. Qazaqstan bilıgı elde saiasi tūtqyn joq dep esepteidı.
"Adyrna" ūlttyq portaly
