Shymkentte úsh kúnnen beri tolassyz jańbyr jaýyp jatyr. Osyǵan baılanysty qaladaǵy kommýnaldyq qyzmetter táýlik boıy tynymsyz jumys isteýde. Olar qaladaǵy kóshelerdiń boıyna, aryq-atyzdar men saı-salalarǵa jınalǵan sýdy arnaıy tehnıkanyń kómegimen soryp, tazalaýda.
Máselen, Ál-Farabı aýdanynda bul jumysqa 5 assenızatorlyq mashına, 2 motopompa qurylǵysy jáne 57 jumysshy tartylǵan. Aýdan aýmaǵy 7 sektorǵa bólinip, onyń árqaısysynda kezekshilik uıymdastyrylǵan. Bekitilgen mamandar ırrıgaııalyq aryqtardy sýdan úzdiksiz tazartyp jatyr.
Eńbekshi aýdany aýmaǵynda da osyndaı jumystar júrgizilýde. Atap aıtqanda, №1 avtojol (temir jol kópiriniń asty) jáne Arǵynbekov, Dızelnaıa, Ata zań, Qyzǵaldaq, Mambetov kósheleriniń boıy jańbyr sýynan tazartyldy. Oǵan 8 dana assenızatorlyq mashına, Zıl-130 kóligine ornatylǵan 4 dana motopompa jáne «LTD-TURMYS» JShS-iniń 83 jumysshysy jumyldyrylǵan.
Aýa raıynyń qolaısyzdyǵy Abaı aýdanynda da kósheler men aryq-atyzdarǵa mólsherden tys sý jınalýyna sebep boldy. Ásirese, 112 oramda ornalasqan Shynar, Iýnatov, Aqqaraǵan kósheleri men Qatynkópir, Shuǵyla, Telman, Aqnıet shaǵyn aýdandarynda sýdyń mol jınalýy turǵyndarǵa qolaısyzdyqtar týǵyza bastaǵan. Sol sebepti jedel túrde sý sorý jumystary qolǵa alyndy. Abaı aýdanynda bul jumysqa 34 tehnıka jáne 105 jumysshy qatysýda. Sonymen qatar, aýdan aýmaǵynda sanıtarlyq tazalyq jumystary kestege sáıkes turaqty túrde atqarylýda. «Aqsemser» JShS-iniń 70-ke jýyq qyzmetkeri men 23 tehnıkasy tartylypty.
Sý sorý jumystaryna Qarataý aýdanynda da erekshe nazar aýdarylyp, búginde oǵan 41 dana tehnıka, 45 júrgizýshi jáne 180 adam atsalysyp jatyr.
Shaharda jaýapty mekemelerdiń qyzmetkerleri der kezinde áreket etip, jaýyn zardaptarynyń aldyn aldy. Tórt aýdan boıynsha kósheler, aryq-atyzdardy tazartýǵa 80-nen astam tehnıka jáne 550-ge jýyq adam jumyldyryldy.
Aıta ketsek, Shymkent qalasynyń ákimdigi turǵyndardan sý jınalǵan oryndardy baıqaǵan jaǵdaıda «I-Komek 109» sıtýaııalyq ortalyǵynyń 109 birińǵaı baılanys telefon nómirine habarlaýdy suraıdy.
