Şymkentte jaŋbyr suynan tazartuǧa 500-den astam jūmysşy jūmyldyryldy

Şymkentte üş künnen berı tolassyz jaŋbyr jauyp jatyr. Osyǧan bailanysty qaladaǧy kommunaldyq qyzmetter täulık boiy tynymsyz jūmys ısteude. Olar qaladaǧy köşelerdıŋ boiyna, aryq-atyzdar men sai-salalarǧa jinalǧan sudy arnaiy tehnikanyŋ kömegımen soryp, tazalauda. Mäselen, Äl-Farabi audanynda būl jūmysqa 5 assenizatorlyq maşina, 2 motopompa qūrylǧysy jäne 57 jūmysşy tartylǧan. Audan aumaǧy 7 sektorǧa bölınıp, onyŋ ärqaisysynda kezekşılık ūiymdastyrylǧan. Bekıtılgen mamandar irrigasiialyq aryqtardy sudan üzdıksız tazartyp jatyr. Eŋbekşı audany aumaǧynda da osyndai jūmystar jürgızılude. Atap aitqanda, №1 avtojol (temır jol köpırınıŋ asty) jäne Arǧynbekov, Dizelnaia, Ata zaŋ, Qyzǧaldaq, Mambetov köşelerınıŋ boiy jaŋbyr suynan tazartyldy. Oǧan 8 dana assenizatorlyq maşina, Zil-130 kölıgıne ornatylǧan 4 dana motopompa jäne «LTD-TŪRMYS» JŞS-ınıŋ 83 jūmysşysy jūmyldyrylǧan. Aua raiynyŋ qolaisyzdyǧy Abai audanynda da köşeler men aryq-atyzdarǧa mölşerden tys su jinaluyna sebep boldy. Äsırese, 112 oramda ornalasqan Şynar, Iýnatov, Aqqaraǧan köşelerı men Qatynköpır, Şūǧyla, Telman, Aqniet şaǧyn audandarynda sudyŋ mol jinaluy tūrǧyndarǧa qolaisyzdyqtar tuǧyza bastaǧan. Sol sebeptı jedel türde su soru jūmystary qolǧa alyndy. Abai audanynda būl jūmysqa 34 tehnika jäne 105 jūmysşy qatysuda. Sonymen qatar, audan aumaǧynda sanitarlyq tazalyq jūmystary kestege säikes tūraqty türde atqaryluda. «Aqsemser» JŞS-ınıŋ 70-ke juyq qyzmetkerı men 23 tehnikasy tartylypty. Su soru jūmystaryna Qaratau audanynda da erekşe nazar audarylyp, bügınde oǧan 41 dana tehnika, 45 jürgızuşı jäne 180 adam atsalysyp jatyr. Şaharda jauapty mekemelerdıŋ qyzmetkerlerı der kezınde äreket etıp, jauyn zardaptarynyŋ aldyn aldy. Tört audan boiynşa köşeler, aryq-atyzdardy tazartuǧa 80-nen astam tehnika jäne 550-ge juyq adam jūmyldyryldy. Aita ketsek, Şymkent qalasynyŋ äkımdıgı tūrǧyndardan su jinalǧan oryndardy baiqaǧan jaǧdaida «I-Komek 109» situasiialyq ortalyǧynyŋ 109 bırıŋǧai bailanys telefon nömırıne habarlaudy sūraidy.