«Samūryq-Qazyna» men Ükımet arasyndaǧy özara qatynastardyŋ sipatyn özgertu qajet. Būl turaly QR Prezidentınıŋ baspasöz hatşysy Berık Uäli öz Facebook paraqşasynda jazdy, dep habarlaidy "Adyrna" ūlttyq portaly.
- Özderıŋızge mälım, Memleket basşysy Qasym-Jomart Toqaev 11 qaŋtarda ötken Mäjılıstıŋ plenarlyq otyrysynda «Samūryq-Qazyna» qorynyŋ qyzmetın tolyǧymen transformasiialau qajet ekenın aitqan bolatyn. Qordyŋ portfeldı kompaniialary – ūlttyq ekonomikanyŋ jüie qūrauşy qūrylymdary. Sondyqtan qazır ekonomikany qūrylymdyq jaǧynan qaita qūru jäne resurstardy el igılıgıne baǧyttau jönındegı mındetterdıŋ oryndaluy qordyŋ jūmysyna bailanysty. Memleket basşysynyŋ pıkırınşe, Ükımet, eŋ aldymen, tym köp basqaru qūrylymdaryn qysqartumen ainalysuy kerek. Sonymen qatar memleket pen halyqtyŋ müddesıne baǧyttalǧan tabystardy arttyru üşın «Samūryq-Qazyna» men Ükımet arasyndaǧy özara qatynastardyŋ sipatyn özgertu qajet, - dep jazdy Berık Uäli.Ol Qasym-Jomart Toqaev Ükımetten ekonomikanyŋ negızgı salalarynda şynaiy bäsekege negızdelgen orta qalyptastyrudy jäne qor men ūlttyq kompaniialardyŋ satyp alu jüielerınıŋ aşyqtyǧyn qamtamasyz etudı talap etkenın jetkızdı.
- Prezidenttıŋ pıkırınşe, memleket ekonomikaǧa köp aralasa bermeuı kerek jäne osy tūrǧyda «Samūryq-Qazyna» qorynyŋ aktivterın jekeşelendıru ısın jandandyruy qajet. Osyǧan orai jekeşelendıru kezınde aşyqtyqty saqtau maŋyzdy. Onsyz ekonomikany qūrylymdyq tūrǧydan qaita qūru mümkın emes. Prezident Ükımetten jäne Jekeşelendıru jönındegı memlekettık komissiiadan naqty ūsynystar men ıs-äreketter kütedı, - dep tolyqtyrdy ol.
"Adyrna" ūlttyq portaly
