«Nur Otan» Töraǧasynyŋ bırınşı orynbasary Bauyrjan Baibek beinekonferensiia bailanys rejimınde barlyq öŋırlık filialdarmen jergılıktı jerlerde el Prezidentı Qasym-Jomart Toqaevtyŋ taiauda ötken Parlament Mäjılısınde qoiǧan mındetterın oryndauǧa qoǧamdyq jäne partiialyq qoldaudy qamtamasyz etu jönınde jinalys ötkızdı.
Otyrys qasırettı oqiǧa kezınde qaza tapqandardy bır minut ünsız eske alumen bastaldy.
«Prezidentımız Qasym-Jomart Kemelūly Toqaev aitqandai, «täuelsızdık tarihynda bız alǧaş ret asa kürdelı jäne qaterlı kezeŋge tap boldyq». Elımız osy künderı auyr synaqty bastan ötkerdı. Syn saǧatta Memleket basşysynyŋ batyl şeşımder qabyldauynyŋ jäne halqymyzdyŋ danalyǧy men sabyrlyǧynyŋ arqasynda qasırettı qaŋtar oqiǧalarynan öttık. Elımızdıŋ egemendıgı men täuelsızdıgın saqtap qaldyq. Qimas jandarynan airylǧan barşa otandastardyŋ qaiǧysyna taǧy da ortaqtasyp, köŋıl aitamyn. Jaraqat alǧan, soqqy körgen azamattardyŋ tezırek sauyǧyp ketuıne tılektespın. Eŋ bastysy, eldıŋ tynyştyǧy, adamdardyŋ amandyǧy ekenıne taǧy da közımız jettı. Qiraǧan dünie tüzeler, örtengen ǧimarattar qalpyna keler, bıraq jüregımızge tüsken syzat eşqaşan öşpeidı», – dedı Bauyrjan Baibek.
Onyŋ aituynşa, «Nur Otan» Memleket basşysy qoiǧan äleumettık-ekonomikalyq saladaǧy naqty mındetterdı oryndauǧa özınıŋ bükıl resurstaryn ıske qosqan.
Partiianyŋ Mäjılıstegı fraksiiasy Prezident atap ötken mäselelerdı oryndaudyŋ zaŋnamalyq negızın qamtamasyz etu ısıne kırısıp ketken. Mäslihattardaǧy deputattar jer-jerde halyqpen tıkelei kezdesıp, tüsındıru jūmystaryna belsene atsalysyp, sondai-aq qiratylǧan infraqūrylymdardy qalpyna keltıruge üles qosuda. Būl rette partiianyŋ qoǧamdyq qabyldaulary osy künderı tūraqty jūmys ıstedı. Partiianyŋ bırneşe myŋ belsendısı «Halyq saqşysy» qoǧamdyq drujinalar sapynda Almaty qalasynda qoǧamdyq tärtıp ornatuǧa atsalysyp, äskerilerge, polisiia jäne kommunaldyq sala qyzmetkerlerıne kömektestı. Sonymen qatar, partiia erıktılerı tek Almaty qalasynyŋ özınde 155 mln teŋgeden astam somaǧa ärtürlı kömek körsettı.
«Qazırgı taŋda partiianyŋ barlyq mümkındıgı men küş-jıgerın Prezident Qasym-Jomart Kemelūly Toqaev alǧa qoiǧan maqsat-mındetterdıŋ sapaly oryndaluyna jūmyldyruymyz kerek. Partiianyŋ qolynda qajettı tetıktıŋ bärı bar. Bız byltyr el aumaǧynda barlyq deŋgeilerde qūrylǧan 1 myŋ 700-den asa qoǧamdyq keŋes jūmysyn jolǧa qoidyq. Onyŋ qūramynda 12 myŋnan asa adam bar, üşten bırı – qoǧam belsendılerı, ükımettık emes ūiym müşelerı, käsıpkerler, aqparat qūraldarynyŋ ökılderı men blogerler. Byltyr olar nätijelı qyzmet jasap, köptegen kelelı ūsynystar berdı, bırqatar kökeikestı problemalardyŋ şeşıluıne mūryndyq boldy. Qajettı täjıribe men mümkındıkter bar. Sondyqtan, «Nur Otan»-nyŋ qoǧamdyq keŋesterı Prezident bastamalaryn qoldap, berılgen tapsyrmalardyŋ jergılıktı jerlerde tolyqqandy oryndaluyna kömektesuı kerek», – dep atap öttı ol.
Partiia Töraǧasynyŋ Bırınşı orynbasary atap ötkendei, aqpan aiynda «Nur Otan» deputattarynyŋ qoǧamdyq reitingın qalyptastyruǧa arnalǧan platforma jariia formatta ıske qosylady.
«Qoǧamdyq reiting mäslihat deputattaryn halyqpen etene aralasyp, sailauşylarmen tūraqty türde bailanys ornatuǧa yntalandyru üşın jasalǧan bolatyn. Osy oqiǧalar būl bastamanyŋ qanşalyqty özektı ärı maŋyzdy ekenın körsettı. Halyq qalaulylary – eŋ aldymen halyqpen qoian-qoltyq jūmys ısteuı tiıs. Aşyq türde, elmen etene jūmys ısteitın, qoǧamdyq jauapkerşılıktı moinymen kötere alatyn bılıktı deputattarymyz ben rezervtegı belsendı partiialastarymyz halyq talabyna sai laiyqty baǧasyn aluy tiıs. Byltyr qyrküiek aiynan bastap būl mehanizm barlyq öŋırlerde synaqtan öttı. Aqpan aiynan bastap bız qoǧamdyq reiting nätijesın tūraqty türde jariialap otyratyn bolamyz», – dep mälımdedı Bauyrjan Baibek.
Kezdesu barysynda partiia Töraǧasynyŋ Bırınşı orynbasary Tūŋǧyş Prezidenttıŋ el tarihyndaǧy rölıne arnaiy toqtalyp, äleumettık jelılerde partiia atyna aitylyp jatqan syndarǧa da jauap berdı.
«Prezident Qasym-Jomart Kemelūly «Küşımız – bırlıkte!» dep barlyǧymyzdy ortaq maqsat jolynda toptasuǧa şaqyryp otyr. Qazaq «jūmyla kötergen jük jeŋıl» deidı. «Nur Otan» partiiasy eldıŋ bırlıgı men ışkı tūraqtylyqty saqtaudyŋ maŋyzyn ünemı aityp keledı. Partiia tu etken osy mäselelerdıŋ qanşalyqty maŋyzdy ekenın ömırdıŋ özı körsetıp otyr. Osyndai qiyn-qystau kezde partiia jūmysynan mın ızdep, «Parlament taratylsyn, partiia taratylsyn» degen maǧynada äŋgıme taratyp jürgender bar. Mūny aituşylar – «Nur Otan» partiiasy memlekettılıktıŋ, eldıktıŋ negızgı qoǧamdyq-saiasi tıregınıŋ bırı ekenın müldem tüsınbeitınder. «Nur Otan» partiiasy qūrylǧaly berı Qazaqstan memlekettılıgın saqtau üşın, qoǧam bırlıgın bekem etu üşın jūmys ıstep keledı. «Ūly ıster ündemei bıtedı» demekşı, būl – daŋǧoilyqqa saluǧa bolmaityn, közge körınbeitın ıster. Sondyqtan bız aitylǧan qisyndy syndy kötere bılıp, al, jüiesız sözge män bermei, bel şeşıp jūmys ıstegenımız jön», – dep atap öttı ol.
Onyŋ aituynşa, qazır Tūŋǧyş Prezidentımız turaly da nebır pıkır aituşylar köbeigen. Tarih bezbenıne salsaq, kez kelgen oqiǧanyŋ, ne tūlǧanyŋ ötkendegı rölıne bıryŋǧai oŋ ne bolmasa tek qana terıs dep baǧa beruge bolmaidy. Mysaly, Türkiianyŋ tūŋǧyş prezidentı Mūstafa Kemal Atatürık turaly da qarama-qaişy pıkırler köp. Bıraq, ol zamanaui türık memleketınıŋ negızın qalauşy tarihi tūlǧa bolyp qala bermek.
«Ötkenge baǧa beru ärkımnıŋ qolynan keledı, bıraq aqiqat pen jalǧandy ajyratu ärkımnıŋ öz ar-ūiatyna bailanysty. Eŋ qiyn kezeŋde, iaǧni bız memleket bolamyz ba, bolmaimyz ba degen sonau almaǧaiyp 90-şy jyldary Nūrsūltan Äbışūly Nazarbaevtyŋ basşylyǧymen Qazaqstan Täuelsız memleket bolyp qalyptasty, etek-jeŋın jidy. Töŋıregımen terezesı teŋestı. Jalpy älemdık qauymdastyq moiyndady. Elbasy men sol kezdegı aǧa ūrpaqtyŋ 30 jyl boiy memlekettılıktıŋ ırgesın bekıtıp, şekarasyn şegendep, territoriiasynyŋ tūtastyǧyn saqtauǧa sıŋırgen eren eŋbegı ūlt tarihynda özınıŋ oŋ baǧasyn alary sözsız. Al, osy jyldary keteuı ketken dünienı tezırek tüzeuımız kerek. Ol – sözsız. Prezident jariialaǧan reformalardyŋ da mänı osy. Bıraq, Memleket basşylyǧynan ketken Nūrsūltan Nazarbaevty jata jamandau – eldıgımızge, azamattyǧymyzǧa syn», – dedı ol.
Bauyrjan Baibek atap ötkendei, 30 jylǧa endı tolǧan Täuelsızdıgımızdı baiandy etu üşın qazaqstandyq qoǧamda memlekettılıktıŋ dästürın, onyŋ ışınde bilık sabaqtastyǧynyŋ dästürın qalyptastyra bıluımız şart.
«Bız üşın qazır eldıgımızdı saqtau, bardy ūqsatu asa maŋyzdy. Sondyqtan Elbasy qūrǧan «Nur Otan» partiiasy eldıŋ bırlıgı men qoǧamnyŋ tūraqtylyǧyna baǧyttalǧan jūmysyn odan ärı jalǧastyruy kerek. Qazırgı taŋda bız alda bolatyn kezekten tys Sezd jūmysyna daiyndyqty bastap kettık. Qaŋtardyŋ qasırettı künderınde Elbasy barşamyzdy Prezidenttıŋ maŋaiyna toptasyp, eldıŋ amandyǧy men bırlıgın saqtap qalu üşın bırge äreket etuge ündegenın barşaŋyz bılesızder. Kım ne dese de, «Nur Otan» partiiasy – Prezident jariialaǧan reformalardy tolyq jäne sapaly jüzege asyruǧa äleuetı tolyq jetetın bırden-bır qoǧamdyq-saiasi küş. Partiiamyz Memleket basşysy alǧa qoiǧan mındetterdı oryndau üşın bar küş-jıgerın – qoǧamdyq ūiymdardy, deputattyq fraksiialardy, türlı qyzmette jürgen 800 myŋǧa tarta barlyq müşesın ortaq maqsatqa jūmyldyruǧa daiyn», – dep tüiındedı ol.
Otyrys barysynda Almaty qalasy, Maŋǧystau, Jambyl oblystyq filialdary töraǧalarynyŋ bırınşı orynbasarlary, sonymen qatar «Jas Otan» jastar qanatynyŋ töraǧasy qazırgı taŋda partiia tarapynan jergılıktı äkımdıkterge infraqūrylymdardy qalpyna keltıru, qoǧamdyq tärtıptı nyǧaitu, volonterlar qyzmetın üilestıru jäne basqa da atqarylyp jatqan jūmystar boiynşa aqparat berdı.
https://youtu.be/ZWzPjX4d5tc”Adyrna” ūlttyq portaly
