Premer-ministr Älihan Smaiylov Qazaqstanda halyq tabysyn arttyru qalai josparlanǧanyn aitty, - dep habarlaidy “Adyrna” ūlttyq portaly Tengrinews.kz saityna sılteme jasap.
"Atameken" Ūlttyq palatasymen bırlesıp, halyq tabysyn arttyru baǧdarlamasyn äzırleu jäne qabyldau josparlanǧan. Halyq tabysyn arttyru eŋ basty mäsele boluy tiıs. Kez kelgen jospar, kez kelgen baǧdarlama bırınşı kezekte halyq tabysyn arttyruǧa baǧyttaluy tiıs. Basqarudyŋ barlyq deŋgeiınde jūmys belsendılıgı däl osy körsetkış boiynşa baǧalanady", - dedı Smaiylov Ükımet otyrysynda.Jaŋa premer-ministr jastar arasyndaǧy jūmyssyzdyqty azaitu maqsatynda "Jastar täjıribesı" jäne "Alǧaşqy jūmys orny" jobalary aiasynda jalaqy köbeietını turaly aitty.
"Qazaqstan halqyna" qoǧamdyq-äleumettık qory mūqtaj balalarǧa qazırgı zamanǧy qymbat medisinalyq qyzmetter men därılık zattardy aluǧa mümkındık beredı. Jalpy, osy jospardy ıske asyru qaŋtar oqiǧalarynan keiın eldegı äleumettık-ekonomikalyq jaǧdaidy jedel qalpyna keltıruge mümkındık beredı", - dep tolyqtyrdy Ükımet basşysy.
”Adyrna” ūlttyq portaly
