Qoǧam belsendısı, matematika pänınıŋ mūǧalımı Darhan Ardaqūly Almaty qalasyndaǧy 207 mekteptıŋ "aralas mektep" bolyp aşyluyna qarsylyq tanytyp, Qazaq elıne ündeu tastady. Būl turaly "Adyrna" ūlttyq portaly jazady.
"Almaty qalasyndaǧy №207 mekteptıŋ "aralas mektep" qylyp aşyluyna jol bermeimın! Körpenı töseimın de, jatamyn! Bügın Nauryzbai audanynyŋ äkımdıgı habarlasty. "Äkımdıktıŋ aldyna kel, 410 kabinetke kel. Söilesemız saǧat 11.00-de" dep. Men "Sender özderın kelıŋder! Äkım ne ıstep otyr? Diaspora ökılderımen jūmys jasasyn! Qazaq mektebıne qarai baǧyt-baǧdar bersın! Qazaq elımen, qazaq jerımen taǧdyryn bailanystyrǧan diaspora ökılderı Qazaqstanda tūramyn dese, balalaryn qazaq mektepterıne bersın! Bız olardy bölıp jatqan joqpyz. Kerısınşe olar bölınıp jatyr. Qazaq tıldı mektepterdıŋ sanyn köbeituımız kerek. Oqu-aǧartu ministrı Aimaǧambetov №1 mäsele osymen ainalysuy kerek. Qūrmettı aǧaiyndar! Balalaryŋyzdy qazaq mektebıne berıŋızder! Aralas mektepterdıŋ aşyluyna qarsylyq bıldıru kerekpız. Belsendılık jäne tabandylyq tanytyŋyzdar! Üide jatyp laik, kommentarii jazyp, divanda jata bermeŋızder! №207 mekteptıŋ aldyna kelıŋızder! Men özım myna mektepke künde kelemın. Tıl öşse, bız de öşemız. Qazaq tılı öşpei, lapyldap, janyp tūrsa, bız de ärqaşan janyp tūramyz!", - dedı Darhan Ardaqūly."Adyrna" ūlttyq portaly
Ūqsas jaŋalyqtar
