Respublika künı Almaty oblysynda jastarǧa arnalǧan «Täuelsızdık ūrpaqtary» grantynyŋ jeŋımpazdary belgılı boldy.
Būl kün – eldıŋ täuelsızdıgı men jaŋa bastamalardyŋ simvolyna ainalǧan mereke ǧana emes, öz armany men ideiasyn jüzege asyruǧa ūmtylǧan jastar üşın de erekşe sät boldy.
Joba biyl da öŋır jastarynyŋ armanyn jüzege asyryp, jaŋa ideialardyŋ qanattanuyna mümkındık berıp otyr. Grant iegerlerı türlı baǧyttar boiynşa ırıktelıp, özderınıŋ äleumettık, mädeni, ǧylymi jäne innovasiialyq bastamalaryn qorǧady.
Qatysuşylardyŋ jobalary qoǧamnyŋ özektı mäselelerın şeşuge, jastardy damytuǧa jäne jaŋa tehnologiialardy engızuge baǧyttalǧan.
Jeŋımpazdardyŋ qatarynda:
Talǧatqyzy Aizere – mümkındıgı şekteulı balalarǧa arnalǧan jeke oŋaltu jabdyqtary men oiyn keşenderın şyǧaru jobasy;
Zıkır Pernegül Kemelhanqyzy – «SabiSPA» gidromassaj jäne bosansu ortalyǧy;
Iаnybaeva Ainūr Älımbaiqyzy – «Önerım–mūram» atty ūlttyq naqyştaǧy suret jobasy;
Jūmaǧali Arujan Äbılbekqyzy – qazaq muzykasyn sifrlau jäne balalarǧa dombyra üiretu;
Töleneva Janerke Qairatqyzy – Narestem AI jüktı äielderdıŋ jaǧdaiyn baqylauǧa arnalǧan jasandy intellekt;
Habylbek Abuxali – RobotTime auyl balalaryna robototehnika üiretu jobasy;
İsadullaeva Alianura Mūptullamqyzy men Aidarhan Jansaia Nurdanǧalyqyzy – biogumus öndıru käsıbı;
Naruzova Nargiza — ekologiialyq baǧyttaǧy «Jasyl bolaşaq» jobasy;
İmanmädi Möldır – «Jurnalist – jau emes» media jobasy;
Önerbekqyzy Nūrgül – «Media sauat» bastamasy bar.
Biylǧy granttyŋ erekşelıgı – tek daryndy ǧana emes, ömırlık qiyndyqtarǧa qaramastan öz armanynan bas tartpaǧan jastardyŋ jeŋısınde.
Jeŋımpazdardyŋ bırı, Qonaev qalasyndaǧy balalardy qoldau ortalyǧynyŋ tärbielenuşısı Nargiza Naruzova öz äserımen bölıstı:
«Būl grant men üşın ülken mümkındık. Menıŋ “Jasyl bolaşaq” jobamnyŋ maqsaty – ekologiialyq mädeniettı damytu, balalar men jastarǧa tabiǧatty qorǧaudyŋ maŋyzyn tüsındıru. Täuelsız eldıŋ ūrpaǧy retınde el damuyna öz ülesımdı qosqym keledı. Al däl Respublika künımen tūspa-tūs keluı – men üşın erekşe märtebe», – deidı joba jetekşısı.
Saltanatty jiynda Almaty oblysynyŋ äkımı Marat Eleusızūly Sūltanǧaziev jas jeŋımpazdardy merekemen qūttyqtap, olarǧa sättılık tıledı:
«Respublika künı – eldıŋ erkındıgı men jaŋaru ruhynyŋ simvoly. Al bügıngı grant iegerlerı – osy täuelsız eldıŋ bolaşaǧy. Sızderdıŋ ideialaryŋyz qoǧamǧa serpın berıp, jaŋa Qazaqstandy qalyptastyruǧa üles qosady dep senemın», – dedı öŋır basşysy.
«Täuelsızdık ūrpaqtary» granty – jastardyŋ jaŋa bastamalaryna serpın berıp, eldıŋ erteŋıne üles qosatyn ūrpaq qalyptastyrudy maqsat etedı.
