Almaty qalalyq PD Arnaiy jäne jūmyldyru daiyndyǧy basqarmasynyŋ aǧa inspektory Aqtan Zainolda ärıptesterımen bırge departament ǧimarattarynyŋ qorǧanysyn qalai saqtap qalǧany turaly aityp berdı, dep habarlaidy «Adyrna» tılşısı polisia.kz-ke sılteme jasap.
– 5-ı künı keşke arnaiy jospar jariialanǧannan keiın bız Almaty Polisiia departamentınıŋ äkımşılık ǧimarattaryn küzetuge arnalǧan posttarymyzǧa tūra bastadyq. Bızdıŋ mındetımız – laŋkesterdıŋ PD ǧimaratyna enuıne jäne olardyŋ qaru-jaraqty ielenuıne jol bermeu boldy, öitkenı azamattardyŋ jäne jalpy eldıŋ qauıpsızdıgıne ülken qauıp tönıp tūrdy, – dedı kapitan Zainolda. Polisiia qyzmetkerınıŋ mälımetınşe, şabuyl jasaǧandar – äuesqoilar emes. Mäsele jaqsy daiyndalǧan şabuyldauşylar jaiynda. – Laŋkester jaqsy daiyndalǧan. Ǧimarat 4-5 jaqtan şabuylǧa ūşyrady. Oǧan qosa, departamenttıŋ janynan kölıkpen jürıp, bızdıŋ nazarymyzdy basqa jaqqa audardy. Sodan keiın qylmyskerler būl kölıkterden oq jaudyrdy. Menıŋ ornym tünı boiy qaruly şabuylǧa toitarys bergen üşınşı postta boldy. Är polisiia qyzmetkerın jauyngerlık pozisiialarǧa böldık, — dedı Aqtan Zainolda.Abyroi bolǧanda, qylmyskerlermen bolǧan būl şaiqasta poliseilerdıŋ eşqaisysy qaza tapqan joq. Kapitan būl uaqytta jeke qauıpsızdıgı turaly oilamaǧanyn atap öttı. Azamattardyŋ qauıpsızdıgı tarazyda boldy.
– Bız bır-bırımızdı qoldadyq. Qaruly laŋkesterge abyroimen toitarys beru jäne olardyŋ qarudy ielenuıne jol bermeu maŋyzdy boldy. Bız beibıt tūrǧyndar men qalany qorǧaudy bırınşı orynǧa qoidyq, – dedı qūqyq qorǧau organynyŋ qyzmetkerı. https://youtu.be/IgBcW-V4Tow
«Adyrna» ūlttyq portaly
