Bılım jäne ǧylym ministrı Ashat Aimaǧambetov jūmys saparymen Almaty qalasyna bardy, dep habarlaidy «Adyrna» tılşısı.
Ministr bılım jäne ǧylym nysandaryn aralap, türlı kezdesu ötkızdı.
«Barlyq bılım beru ūiymdary tūraqty jäne ştattyq rejimde jūmys ısteidı. Men barǧan № 206 mektep-gimnaziia 2021 jyldyŋ jeltoqsanynda paidalanuǧa berıldı. Būl Memleket basşysynyŋ tapsyrmasy boiynşa 2025 jylǧa deiın 1000 mekteptıŋ qūrylysy aiasynda salynǧan nysandardyŋ bırı. Janyndaǧy mektepte qabyldau qorytyndysy boiynşa 1 synyp oquşylary köp boldy, «Iý» synybyna deiın. 1800 oquşyǧa arnalǧan taǧy bır mekteptıŋ paida boluy oquşy oryndarynyŋ tapşylyǧyn şeşuge kömektestı»,– dedı ol.Aimaǧambetov sapar barysynda ärıptes-pedagogtermen äŋgımelesıp, maŋyzdy mäselelerdı talqylady.
«Sapaly pedagogikalyq qūramy quantty. Talen Saltanat-himiia mūǧalımı, pedagog - zertteuşı, Balybekova Rabiǧa Jūmanazarqyzy - biologiia mūǧalımı, pedogog - zertteuşı, Niiazbekova Aqmaral Qaltaiqyzy - fizika mūǧalımı, pedagog-şeber. Ärıptestermen osy pänder boiynşa oqu baǧdarlamalarynyŋ mazmūnyn jäne oqu prosesın jaqsartu ideialaryn talqyladyq. Sonymen qatar, 315 orynǧa şaqtalǧan #186 böbekjaiynyŋ jūmysymen tanystym. Būryn būl nysan jalǧa berılgen edı. Qazır ǧimarat jöndelıp, jaŋa balabaqşa aşyldy»,– dep jazdy ministr.Sondai-aq Aimaǧambetov Qanyş Sätbaev atyndaǧy Qazaq Ūlttyq tehnikalyq zertteu universitetıne de barǧan.
«Jöndeu jūmystarymen tanysyp, jataqhanalarǧa baryp keldım. Universitet tarapynan ǧylymi jobalar tanystyryldy. Ärıptesterım aitqan barlyq sūraqtar men ūsynystardy mūqiiat tyŋdap, jataqhanada qalǧan studenttermen äŋgımelestım. Sapar barysynda qala mektepterınıŋ direktorlarymen kezdesu ötkızdım. Mektep basşylarynyŋ ūsynystaryn tyŋdap, qyzyqtyrǧan sūraqtarǧa jauap beruge tyrystym. Bız «Almaty mektepterı» jobasyn ıske asyru barysyn talqylap, jan basyna qarjylandyru tetıgınıŋ tiımdılıgın arttyru, synyp jetekşılerınıŋ institutyn küşeitu mäselelerın talqyladyq jäne ata-analarmen özara ıs-qimyldy nyǧaituǧa baǧyttalǧan jobalar turaly söz qozǧadyq. Ärıptester qoiylǧan barlyq mındetterdı tiımdı ıske asyrudyŋ maŋyzdylyǧyn tüsınetınderıne jäne qoldaityndaryna közım jettı»,– dep sözın qorytyndylady ol.
«Adyrna» ūlttyq portaly
