Almatylyq qaiyrymdy jandar qaŋtar qyrǧyny kezınde 8 adamnyŋ ömırın qūtqaryp qalǧan. Bibınūr Şerälieva esımdı köpbalaly ana kömekşılerımen bırge keşegı alasapyranda qasköilermen betpe-bet kelıp, Prezident rezidensiiasyn qorǧaǧan sarbazdar men qarapaiym azamattardy auruhanaǧa jetkızuge atsalysypty. Eşteŋeden taisalmaǧan erıktıler jaralylardy qūtqaru üşın sodyrlardyŋ sözın söiledık deidı. Köpbalaly ana qandy küngı jaǧa ūstatarlyq jaittardy Almaty.tv tılşılerıne aityp berdı, dep habarlaidy «Adyrna» ūlttyq portaly.
«Jaralanǧan soldat bar, sony alyp şyǧuǧa kömektes dep bıreu keldı. Jür dedım men. Bız jaiau baryp alamyz dep oiladyq. Bıraq kölıktı örtep, jaryp jıbere degen qauıppen alǧa jylji bergendı jön kördık. Ärine, qoryqtyq. Jaraly soldatty jerde jatqan polisiia qalqanyna salyp, köterıp aldyq. Ony maşinaǧa alyp kelgenımızben, ışıne kırgıze almadyq. Öitkenı kışkentai kölık bolǧandyqtan, ışıne syiar emes. Bırese qany aǧyp jatqan sarbazdy salamyz, bırese qalqandy qoiamyz. Äiteuır amaldap jatyp, kölıkke saldyq», – deidı ol.
Osylaişa, eŋ alǧaşqy adamdy №12 auruhanaǧa aparyp därıgerlerge tapsyrǧan. Al būl kezde kömekşılerı Sūluşaş Jüsıpova, Venera Tūrǧanova jäne Rumilia Hodjaeva esımdı erıktıler alaŋda qansyraǧan adamdarǧa alǧaşqy medisinalyq kömek körsetıptı. Olar jaralanǧan 40 şaqty adam baryn körıptı.
«Äskeri kölık 300 km/saǧatpen jüitkıgen şyǧar. Adamdardy basyp kete me dep qatty qoryqtyq. Öldık dep oiladyq. Sosyn ol ötıp ketkennen keiın bız qaitadan kölıkpen ışke kırdık, ışte bır jas balalar bar dedı. Bıreuınıŋ aiaǧy, bıreuınıŋ būǧanasy jaralanǧan, qan aǧyp jatyr dedı. Qaitsek te solardy süirelep, auruhanaǧa tasydyq. Söitıp jürgende 8 jaralyny şyǧaryppyz», – dep eske alady Bibınūr Şerälieva.
Qaituǧa ärekettene bergende közı zaqymdanǧan taǧy bır örımdei jap-jas sarbazdy №5 klinikalyq auruhanaǧa aparyp tastaǧan. Qandy qyrǧynda Bibınūr Şerälieva qarulanǧandardyŋ qalai özara tıldeskenıne kuä boldym deidı.
«Ekı jedel järdemdı basyp aldy da, artynan kölıktı jaǧyp jıberdı. Sosyn bır jeŋıl kölık kelıp būlarǧa avtomat taratty. Olar bızge de kelıp «sızderdıŋ maşinaŋyzben qaru alyp keleiık» dep ūsyndy. Bız «jaralylardy tasyp jatyrmyz, qazır qolymyz timeidı» dedık. «Joq, barmaimyz» dep aituǧa qoryqtyq», – deidı Bibınūr Şerälieva.
Köbı sodyrlardyŋ aidauyna erıp ketken jastar ärı olar ne ıstep jürgenderın bılmegen edı dep eske aldy.
«Qazır bärı ötkennen keiın «olar menı op-oŋai ata salatyn edı ǧoi» degen oilar keledı. Bıraq ol kezde mende ondai qorqynyş bolǧan joq. Öitkenı olar ne ısteu kerek ekenın özderı de bılmei jürdı. Qoldarynda qaru bolǧanymen, ne ıstep, kımdı atu kerek ekenın de bılmeidı jürgendei körındı», – deidı köpbalaly ana.
Basbūzarlardyŋ küdıgıne ılıkken olar sodyrlardy aldap äreket etuge tura kelgenın aitady.
«Bızdı ne dep aitady eken dep qūitūrqy sūraqtar qoiyp türlı äreketterge bardy. «Jansa, jansyn» dedım. Öitkenı men olardyŋ bızden küdıktenıp tūrǧanyn tüsındım. «Jansa, kök tütın bolyp janyp ketsın» dedım ädeiı. Eger joq dep bıldırıp qoisaq, onda olar bızdı jaralylarǧa jıbermeitın edı. Olardyŋ sözın söiledık. Jasyratyny joq. Öitıp söilemeseŋ, senı jaralylarǧa jolatpaidy», – deidı B. Şerälieva.
