Qoǧam qairatkerı, aitysker aqyn, dıntanuşy Mūhamedjan Tazabek özı basqaratyn Talim.tv arnasyna sūhbat berıp, eldegı soŋǧy jaǧdailarǧa bailanysty pıkır bıldırdı, dep habarlaidy “Adyrna” ūlttyq portaly.
Orda.kz saitynyŋ mälımdeuınşe, soŋǧy künderı Toqaev Elbasy äuletınıŋ adamdaryn qyzmetten alyp jatyr. Osy oqiǧalar sızdı uaiymdata ma?
– Men ne üşın uaiymdauym kerek? Timur Qūlybaevpen bırge mūnai satyp pa edım, Qairat Şärıpbaevpen bırge gaz satyp jür me edım?! Elbasy äuletındegı keibır adamdarmen syilastyq, sūhbattas boldyq. Qyzmet degen eşkımnıŋ atasynan qalǧan mūrasy emes. Belgılı bır äulettegı belgılı bır adamdardyŋ qyzmetı tügıl, ataqty dinastiialardyŋ da aqyry bolǧan. Lauazymdaǧy adamdar auysa beredı, halyqtyŋ yrysy qalsyn. Elbasy menı aitysker aqyn retınde jaqsy kördı, ruhani aǧartuşylyq jūmystaryma aqylyn aitty, – dedı Tazabek.
Sız Elbasynyŋ bauyry Qairat Satybaldymen jaqsy qarym-qatynasta ekenıŋızdı eldıŋ bärı bıledı. «Kryşamnan» aiyryldym dep qoryqpaisyz ba?
https://youtu.be/B8vGRrHkcfA– Bırınşıden bız bırnärsenı bıluımız kerek, är pendenıŋ bır Qūdaidan basqa kryşasy joq. Qazaqtyŋ bır qamköŋıl, imandy jıgıtı bolsa, Qairat aǧadai-aq bolsyn. Halyqtyŋ igılıgı, ūlttyq önerdıŋ igılıgı üşın köp ötınıştermen aldyna bardym. Qairat aǧamyzǧa qazaqtyŋ aqyndary riza boldy. Men ūmytpasam Qairat aǧanyŋ sebepker boluymen 20 şaqty aqyn temır tūlparǧa ie boldy. Namaz oqidy eken dep, terroristpen bailanystyruǧa bolmaidy. Patşanyŋ ınısı bolu degen synaqty köbımız körgen joqpyz. Patşanyŋ ınısı bolmaq tügıl, Jūmabektıŋ bajasynyŋ özınıŋ ne ıstegenın körıp otyrmyz ǧoi, – dedı ol.
“Adyrna” ūlttyq portaly
