Senator ükımettıŋ ūlttyq qūndylyqtardy ılgerıletu jönındegı jūmysyn synǧa aldy, dep habarlaidy “Adyrna” ūlttyq portaly ulysmedia.kz. portalyna sılteme jasap.
Senator Nūrtöre Jüsıp qazır «Almaty tragediiasyna» ülken män beru kerek jäne osy oqiǧalardan sabaq alu maŋyzdy dep sanaidy.
Onyŋ aituynşa, ūlttyq ideologiia men ūlttyq tärbienı damytuda aitarlyqtai alşaqtyq boldy. Degenmen senatorlar būl mäselenı Ükımet aldynda bırneşe ret köterıp, tıptı osy saladaǧy jaǧdaidy jaqsartu boiynşa naqty ūsynystar jıbergen.
Mäselen, ötken jyly Senatta ūlttyq qūndylyqtardy saqtau jäne odan ärı ılgerıletu mäselelerıne arnalǧan parlamenttık tyŋdau öttı. Tyŋdauǧa qatysuşylar köptegen problemalyq mäselelerdı köterıp, jūmys qorytyndysy boiynşa Ükımetke ūsynystar bergen.
«Sızden sol ūsynymdarǧa qaita nazar audarudy, parlamenttık tyŋdau materialdaryn Ükımet müşelerınıŋ bärıne tanystyrudy jäne solardy jüzege asyru üşın şūǧyl äreket etudı talap etemın! Senat bes qūndylyqty – atap aitqanda, täuelsızdık jäne tarihi tanym, el men jer, tıl men imandylyq, ūlttyq dästür jäne otbasylyq tärbie, bılım men bılıktılık mäselesın qazaq qoǧamynyŋ basty qaǧidattary retınde kün tärtıbıne şyǧardy. Sonyŋ bırde bıreuı nazarǧa alynbady. Aitylǧan söz aitylǧan jerde qaldy», — dep atap öttı Nūrtöre Jüsıp.Deputat sondai-aq özınıŋ saualynda qoǧamdy tolǧandyratyn bırqatar mäselelerdı de aitty. Mūnyŋ ışındı telearnalardyŋ negızgı baǧdary da bar. Eldegı jetekşı arnalardyŋ köpşılıgı memlekettık tapsyrys esebınen biudjetten qarjylandyrylady. Olarǧa «reiting» ne üşın kerek dep sūraq qoiǧan deputat, «El Arna» jäne «Tälım TV» arnalaryn jasöspırımder arnasyna ainaldyrudy ūsyndy. Mūndai kontenttı jasau qajettılıgınıŋ maŋyzdylyǧyn ekı ai būryn el Prezidentı atap ötken bolatyn. Sondai-aq, deputat bılım beru, jastardy ruhani tärbieleu, jasöspırımder üşın sifrlyq jobalar jasau jäne jūmyssyzdyq mäselelerın şeşu salalarynda bırqatar naqty mäselelerdı köterdı.
«Ükımet basşysynan osy aitylǧandardy jäne Senat qabyldaǧan Ūlttyq qūndylyqtar turaly ūsynymdar men äleumettık jelıdegı paidaly ūsynystardy tezırek elekke salyp, naqty ıs-qimyl josparyn jasaudy sūraimyn! Eşkım bızge jaŋa memleket qūryp bermeidı! Bızge ırgesı berık qoǧam kerek! Jaŋarǧan Qazaq Elı kerek! Osyny kün saiyn este ūstau kerek!», — dedı senator.
”Adyrna” ūlttyq portaly
