Basty bet
Jaŋalyqtar
Qyzylordada 3-synyp oquşylary tömengı synyp oquşysyn soqqyǧa jyqqan

Qyzylordada 3-synyp oquşylary tömengı synyp oquşysyn soqqyǧa jyqqan

20.01.2022

2424

https://adyrna.kz/content/uploads/2022/01/7f1a1769-7380-45d0-80fc-57ce12a38f28.jpeg

Qyzylordada 3-synyp oquşylary tömengı synyp oquşysyn ūryp-soqqan. Onyŋ ekı tızesı jaralanǧan, - dep habarlaidy “Adyrna” ūlttyq portaly Tengrinews.kz saityna sılteme jasap. 

Tötenşe jaǧdai oblys ortalyǧyndaǧy jeke mektepterdıŋ bırınde bolǧan. Därıgerler balaǧa ekı aiaǧy jaralanǧan degen diagnoz qoidy.
Äjesınıŋ aituynşa, oqu ornynyŋ basşylyǧy būl jaǧdaidy anyqtaudyŋ ornyna, polisiiaǧa aryz jazǧan ata-anaǧa narazylyq bıldırgen. Mektep direktorymen, mūǧalımdermen äŋgımeleskennen keiın balanyŋ anasy ötınıştı qaitaryp alǧan.
"Menıŋ oiymşa, bärı qysym körsetkesın osylai jasady. Ol bolǧan jaǧdaidy anyqtau üşın mektepke jalǧyz bardy. Men sol künı bırge bara almadym. Mūǧalımder kınälı ūldarmen söileskenderın, būdan bylai qaitalanbaitynyn aitqan. Qyzym senıp, solai qaldyrǧan", - deidı Gülnaz Qalieva.
Äjesıne būl jaǧdaidy qabyldau qiyn bolǧan. Qazır bala üide, jürgende qiynsynady. Äjesınıŋ aituynşa, psihologiialyq tūrǧydan da qiyn.
"Men onyŋ nege tötep bergenın elestete almaimyn. Ol därethanaǧa sūranǧan. Ony 3-synyptyŋ ekı oquşysy şaqyryp, sportzalǧa aparǧan. Onda aparyp, tepkılegen. Ol keiın 20-ǧa deiın, sodan keiın taǧy da sanap, osylai jasaǧandaryn, keleke qylyp külgenderın aitty. Ūldar ony eşkımge aitpasyn dep qorqytqan. Eger aitsa, odan da qatty ūryp-soǧatyndaryn aitqan. Mektepte ol aqsaŋdap jürgen, bıraq mūny mūǧalımderdıŋ eşqaisysy, synyp jetekşısı de baiqamaǧan. Tek üide qyzym sūraǧannan keiın aitty. Balalar auruhanasyna aparyp, rentgenge tüsırdık. Diagnozy - ekı tızesınıŋ jaraqaty. Üide emdeledı, tızesıne zaqym kelmedı me dep qorqamyn. Beibıt künde mektep qabyrǧasynda ne bolyp jatyr?", - dedı äjesı.
Qyzylorda oblystyq Polisiia departamentınıŋ baspasöz qyzmetı ökılı būl ıs baqylauǧa alynǧanyn aitty.
"Qyzylorda qalasy PB iuvenaldy polisiia qyzmetkerlerı tekserıs jürgızıp jatyr. Jaǧdai baqylauǧa alyndy", - dedı polisiia qyzmetkerı.
Qalalyq bılım bölımınde de oqiǧanyŋ män-jaiy anyqtalatyny aityldy.
"Būl mäsele baqylauǧa alyndy. Nätijesı qosymşa habarlanady", - dedı qalalyq bılım bölımınıŋ qyzmetkerlerı.”Adyrna” ūlttyq portaly